سولتۇستىك كورەيا تاعى ءبىر باسشىسىن ءولىم جازاسىنا كەستى

استانا. قازاقپارات - سولتۇستىك كورەيا رەسپۋبليكاسىنىڭ حالىق اسكەرى باس شتابىنىڭ باسشىسى ري يون گيل جەمقورلىققا قاتىسى بار دەپ ايىپتالىپ، ءولىم جازاسىنا كەسىلدى.

بۇل تۋرالى وڭتۇستىك كورەيالىق يونحاپ اگەنتتىگىنەن حابارلادى، دەپ جازدى bbc.

ارميا گەنەرالى ري يون گيلگە ءوز مۇددەسىن كوزدەدى دەگەن ايىپ تاعىلدى.

اگەنتتىك سولتۇستىك كورەياداعى اقپارات كوزىنە سىلتەمە جاسادى.

سوڭعى رەت گەنەرال قوعام الدىندا 2014 -جىلدىڭ قىركۇيەگىندە شىققان.

سول جىلدىڭ قازانىندا وڭتۇستىك كورەيالىق Korea Joongang Daily باسىلىمى گەنەرال ري يون گيل ءولىم جازاسىنا كەسىلۋى مۇمكىن دەپ جازعان. ويتكەنى سولتۇستىك كورەيانىڭ مەملەكەتتىك ب ا ق- تارىندا ول تۋرالى اقپارات شىقپاي قويدى.