16:42, 10 - اقپان 2016 | GMT +5
تۇرعىن ۇيلەردىڭ باعاسى الەۋمەتتىك باعدارلانعان بولۋى ءتيىس - ق ر پرەزيدەنتى
استانا. قازاقپارات - «نەسيەگە بەرىلەتىن تۇرعىن ۇيلەردى سالۋعا 149 ميلليارد تەڭگە ءبولۋدى تاپسىرامىن، سونىڭ ىشىندە 22 ميلليارد تەڭگە سالىمشىلارعا نەسيەگە بەرىلۋى ءتيىس» ، - دەدى ق ر پرەزيدەنتى ن. نازاربايەۆ اقوردادا ءوتىپ جاتقان ۇكىمەتتىڭ كەڭەيتىلگەن وتىرىسىندا.
بۇل تۋرالى اقوردانىڭ تۆيتتەردەگى رەسمي پاراقشاسىندا حابارلاندى.
ەلباسى جەكە قۇرىلىس سالۋشىلارعا قولداۋ كورسەتۋگە قايتارىمدى نەگىزدە 97 ميلليارد تەڭگە باعىتتاۋدى تاپسىردى. سونداي- اق، مەملەكەت باسشىسى تۇرعىن ءۇيدىڭ باعاسى الەۋمەتتىك باعدارلانعان بولۋى ءتيىس ەكەنىنە اسا ءمان بەردى.
