قيىن ماماندىقتار ءتىزىمى بەلگىلى بولدى

استانا. قازاقپارات - ءار ادام ءوز جۇمىسىن اتقارۋ بارىسىندا قينالاتىنى راس. قينالماق تۇرسىن، جۇمىسقا ءار بارعان سايىن باستارىن ولىمگە تىگەتىن ءورت سوندىرۋشىلەر بۇل تىزىمدە ءبىرىنشى ورىندى يەلەندى.

ەكىنشى ورىن كىمدىكى دەيسىزدەر مە؟! ەكىنشى ورىندا -  ۇشقىشتار. ولاردىڭ ۇشاقتى باسقارۋ كەزىندە قينالاتىنى بولەك تۇرسىن، بورتقا مىنگەن وزگە ادامداردىڭ ءومىرى ءۇشىن جاۋاپتى بولاتىندىقتان كۇيزەلەدى.

ال حالىق الدىنا شىعىپ، ءسوز ونەرىن كورسەتەتىن تەلە-جانە راديو جۇرگىزۋشىلەر كۇتپەگەن جەردەن وسى ءتىزىمنىڭ ءۇشىنشى ورنىنا ىلىككەن.

سەبەبى ولار كامەراعا قاراپ وتىرىپ، سويلەۋ كەزىندە تىلدەگى ەرەجەلەردى ساقتاپ قانا قويماي، ءاربىر جاڭالىقتى جۇرتقا دۇرىس جەتكىزۋگە مىندەتتى، دەپ جازادى MedDaily.ru.

ءتورتىنشى ورىنعا مۇعالىمدەر تابان تىرەگەن. بۇل ماماندىقتىڭ اۋىرتپالىعىن ايتپاسا دا تۇسىنىكتى. ۇستازداردان كەيىن تىزىمدە مەديتسينا جانە الەۋمەتتىك قىزمەت سالاسىنىڭ ماماندارى، شاحتەرلار، جەدەل جاردەم قىزمەتىنىڭ ديسپەتچەرلەرى، مەرەكە ۇيىمداستىرۋشىلار مەن اۋە ديسپەتچەرلەرى ورنالاسقان.

www.24.kz