تاعدىرمەن ويناۋعا بولمايتىن الەمدەگى ەڭ قاۋىپتى بەس ورىن - فوتو

بۇل تۋرالى adme.ru سايتى حابارلايدى.

سيۋرسەي ارالى

1963-جىلى يسلانديادا سۋ استى جانارتاۋى اتىلىپ، قىسقا مەرزىم ىشىندە اۋماعى 2,7 شارشى شاقىرىمدى قۇرايتىن جاڭا ارال پايدا بولدى. نىسان دەرەۋ الەم عالىمدارىنىڭ نازارىن اۋداردى. سول كەزدەن بەرى ارال جانارتاۋلارمەن الىساتىن ميفولوگيالىق كەيىپكەر سۋرتانىڭ قۇرمەتىنە سيۋرسەي ارالى دەپ اتالدى. ارالعا كەلەم دەۋشىلەرگە عىلىمي سىناقتار جۇرگىزىلىپ جاتۋ سەبەبىنەن تىيىم سالىنعان.

كەيماد-گراندي ارالى

كەيماد-گراندي ارالى برازيليا جاعالاۋلارىنا 35 شاقىرىم قاشىقتىقتا جاتىر. ءبىراق، بۇل كوركەم ارالدى ۋلى جىلاندار مەكەندەپ العان. 0,43 شارشى شاقىرىم اۋماقتا 4000 جىلان مەكەن ەتەدى ەكەن. ولاردىڭ قاۋىپتىلىگى ادەتتەگى جىلانداردىڭ ۋىتىنان 5 ەسە كۇشتى. سوندىقتاندا برازيليا بيلىگى بۇل ارالعا كەلۋگە تىيىم سالعان.

سولتۇستىك سەنتينەل ارالى

بەنگال شىعاناعىنداعى انداماندىق ارالداردىڭ بىرىندە قاۋىپتى تايپالار وداعى تۇرادى. ولار كەز كەلگەن ادامي بايلانىستان قاشادى جانە كۇشپەن باسىپ كىرۋگە ىزالانا قارسى تۇرادى. 2004-جىلى سۋنامي تاسقىنىنان سوڭ ولاردى باقىلاماق بولعان ءۇندى ۇكىمەتىنىڭ تىكۇشاعىن اتقىلاعان بولاتىن. اتالعان جابايى تايپانىڭ سوڭعى قۇرباندىعى جوعالىپ كەتكەن بالىقشى بولعان. وسىدان سوڭ ءۇندىستان بيلىگى ادامدارعا ول جەرگە جولاماۋعا كەڭەس بەردى.

جاپونياداعى يسە عيباداتحانا سى

يسە-دزينگۋ عيباداتحانا كەشەنى جاپونياداعى ەڭ باستى عيبادات ەتۋ ورىنى بولىپ سانالادى. ونىڭ نەگىزگى بولىگى ۇلكەن اعاشتارمەن قورشالعان. ىشىنە تەك جوعارى قىزمەتتەگى نەمەسە ءدىني قىزمەتكەرلەر جانە يمپەراتور وتباسى مۇشەلەرى عانا كىرە الادى.

1945-جىلعا دەيىن وعان كىرۋ ءتىپتى قيىن ەدى. ول ىشكى الەممەن ەكى ورتانى ءبولىپ تۇرعان مياگاۆا وزەنىنەن شەكارا جاساعان قاسيەتتى جەر رەتىندە سيپاتتالدى. ول وزەنگە موناحتاردىڭ بارۋىنا ءۇزىلدى-كەسىلدى تىيىم سالىندى.

گريۋينارد ارالى



1942-جىلى بريتانيا ۇكىمەتى بيولوگيالىق قارۋلارىنا سىناق جاساۋ ءۇشىن شوتلانديالىق گريۋينارد ارالىن ساتىپ الدى. سىناق جۇرگىزۋ بارىسىندا بيولوگيالىق قارۋدان تاراعان اسەر تۇرعىندارعا زيان كەلتىرەتىنى انىقتالعان.  80 -جىلداردىڭ سوڭىنا دەيىن ارال پلانەتاداعى ەڭ قاۋىپتى مەكەن سانالدى.

1986-جىلداردان باستاپ عالىمدار ارالدىڭ ۇڭعىل-شۇڭعىلىن زەرتتەپ، 1990-جىلى ول جەردىڭ قاۋىپسىز ەكەنىن جاريالادى. الايدا، وندا قونىستانۋعا ەشكىمنىڭ باتىلى بارعان جوق. عالىمدار ول جەردە جاسالعان سىناقتاردىڭ زاردابى ءالى جۇزدەگەن جىل بويى اسەر ەتۋى مۇمكىن دەيدى.

Stan.kz