10:22, 10 - اقپان 2016 | GMT +5
ەكى ءتۇرلى ناسىلدەگى ەگىزدەر دۇنيەگە كەلدى
استانا. قازاقپارات - انگليادا 20 جاستاعى حاننا ياركەر مەن 24 جاستاعى كايل ارمسترونگ دۇنيەگە كەلگەن ەگىز قىزدارىنان بىرنەشە كۇننەن كەيىن تاڭ قالارلىق وزگەرىستەر بايقاعان.
ءبىر-بىرىنەن اينىمايتىن بۇلدىرشىندەردىڭ ءبىرىنىڭ تەرىسىنىڭ ءتۇسى قارايا باستاعان دەپ حابارلايدى NUR. KZ پورتالى «كومسومولسكايا پراۆدا» سايتىنا سىلتەمە جاساپ.
اققۇبا انايا اناسىنىڭ تۇقىمىنا تارتسا، ونىڭ ەگىزى ميلا - قارا ءناسىلدى اكەسىنە ۇقساعان. ەگىزدەردىڭ مىنەزى دە ەكى بولەك ەكەن. ميلا وتە تىنىمسىز كەلسە، انايا سابىرلىلىعىمەن كوزگە تۇسكەن.
حاننا ادامداردىڭ ءبىرازى ءوز قىزدارىنىڭ ەگىز ەكەنىنە سەنبەيتىنىن ايتادى. ءتىپتى، بۇل جايتقا ۇيرەنىپ تە كەتكەن.
«ەكەۋىنىڭ ءبىر كۇندە تۋىلعانىنا ءوزىمىز دە سەنە الماي وتىرمىز»، - دەيدى جاس انا.
