قىتايدا نارەستەنىڭ دەنەسىن ورتەمەك بولعان كەزدە ءتىرىلىپ كەتتى

استانا. قازاقپارات - دارىگەرلەر ءولى دەپ تانىعان نارەستە ورتەۋگە ساناۋلى مينۋتتار قالعان كەزدە ءتىرىلىپ كەتكەن.

ول ءبىر تاۋلىككە جۋىق سالقىن ءمايىتحانادا جاتسا دا، دەنەسىنە جان ءبىتىپ، ويانىپ كەتتى، دەپ حابارلايدى شەتەلدىك ب ا ق.

ەر بالا جىجياڭ پروۆينتسياسىندا 8- قاڭتار كۇنى، مەرزىمىنەن ەكى اي بۇرىن دۇنيەگە كەلگەن. اتا-اناسى دارىگەرلەردىڭ ايتقان نۇسقاۋلارىنا قۇلاق سالماي، بالانى ينكۋباتوردان الىپ كەتپەك بولادى. ەكى كۇن وتكەن سوڭ شاقالاق اۋىرىپ قالىپ، كوز جۇمعان. دارىگەرلەر ونى قايتىس بولعانىن بەلگىلەدى. ءمايىت تەمپەراتۋراسى مينۋس 12 گرادۋس بولاتىن ءمايىتحانانىڭ ىشىندە 23 ساعات بولعان.

كەلەسى كۇنى ونى ورتەۋ ءۇشىن الىپ شىعادى، الايدا ءسابي سول كەزدە جىلاپ جىبەرگەن. ورتەۋ ءراسىمىن جاساماق بولعان قىزمەتكەرلەر دەرەۋ ءسابيدىڭ اتا-اناسىنا حابارلاسىپ، ءىستىڭ ءمان-جايىن ايتادى. بالانى ءولدى دەپ تانىعان دارىگەر بولسا بۇنىڭ عاجاپ وقيعا ەكەنىن ايتىپ، تاڭعالدى، دەپ جازادى شەتەلدىك ب ا ق.