08:16, 10 - اقپان 2016 | GMT +5
قۇتقارۋشى روبوت- تاراقان
استانا. قازاقپارات - كاليفورنيا ۋنيۆەرسيتەتىندە توتەنشە جاعدايلاردا زارداپ شەككەندەردى ىزدەۋ جانە قۇتقارۋعا كومەكتەسەتىن تاراقانعا ۇقساس روبوت جاساپ شىقتى، دەپ جازادى The Verge باسىلىمى.
قازىرگى ۋاقىتتا CRAM اتاۋلى العاشقى نۇسقا دايىن. روبوتتىڭ ءۇيىندى جانە قيراعان ۇيلەردىڭ تار قۋىستارى مەن جارىقتارىندا ەركىن جۇرۋىنە مۇمكىندىك بەرەتىن جاساندى سىرتقى قاڭقاسى - ەكزوقاڭقاسى جانە جەڭىل قابىرشاعى بار.
CRAM جوباسىن ازىرلەۋشىلەر كاۋشيك جايرام مەن روبەرت فۋلل روبوتتى جاساۋ بارىسىندا تاراقاندارعا ءتۇرلى تاجىريبە جاساپ كورگەن.
سىناق بارىسىندا زەرتتەۋشىلەر جاندىكتىڭ تار تەسىكتەن ءوز سالماعىنان 900 ەسە جوعارى سالماققا شىداپ قىسىلىپ وتەتىن جانە تايعاق جەردە جىلدامدىعى تومەندەيتىنىن بايقاعان. وسىنىڭ ارقاسىندا «جاندىككە» ءۇشىن تار جەردەن وتۋگە مۇمكىندىك بەرەتىن جۇمساق ەكزوقاڭقا ازىرلەنگەن.
