ۇلتتىق كاسىپكەرلەر پالاتاسى وتاندىق بيزنەستىڭ وزەكتى ماسەلەلەرىن جاريالادى
وعان ق ر «اتامەكەن» ۇلتتىق كاسىپكەرلەر پالاتاسىنىڭ ءتورالقا ءتوراعاسى تيمۋر قۇلىبايەۆ، الماتى قالاسىنىڭ اكىمى باۋىرجان بايبەك، «اتامەكەن» ق ر ۇ ك پ ءتوراعاسى ابىلاي مىرزاحمەتوۆ، سونداي-اق، «بايتەرەك» ۇلتتىق حولدينگى، قارجى جانە دامۋ ينستيتۋتتارى، الماتى قالاسىنىڭ شاعىن جانە ورتا بيزنەس سۋبەكتىلەرىنىڭ باسشىلارى قاتىستى. ءوز سوزىندە الماتى قالاسى كاسىپكەرلەر پالاتاسىنىڭ ديرەكتورى يۋري تىلەۋمۇراتوۆ وتاندىق بيزنەستىڭ الدىندا تۇرعان نەگىزگى كەدەرگىلەردى اتاپ كورسەتتى.
«الماتى قالاسى كاسىپكەرلەر پالاتاسى بيزنەستىڭ جۇيەلى پروبلەمالارىنا تۇراقتى تۇردە تالداۋ جۇرگىزىپ كەلەدى. ويتكەنى، الماتى شاعىن جانە ورتا بيزنەس قالاسى. وسى جىلعى مونيتورينگتە الماتىداعى 3 مىڭنان استام بيزنەس سۋبەكتىسى قامتىلدى. سونىڭ ناتيجەسىندە كاسىپورىنداردىڭ 1139 ناقتى پروبلەماسى انىقتالىپ، ولار ەڭ ءجيى كەزدەسەتىن 7 جۇيەلىك ماسەلە بويىنشا توپتالدى. سونىمەن ولار: وتاندىق وندىرۋشىلەردىڭ ونىمدەرىن وتكىزۋدەگى قيىندىقتار (%56,2)، قارجى رەسۋرستارىنا قولجەتىمدىلىك (%17,2)، ساتىپ الۋ جانە جەرگىلىكتى قامتاماسىز ەتۋ (%12,6)، اكىمشىلىك كەدەرگىلەر (%9,4)، بيزنەستى قولداۋعا قاتىستى مەملەكەتتىك باعدارلامارعا قولجەتىمدىلىك (%3,1)، باسقا دا پروبلەمالار (%0,8)، سالىق اكىمشىلىگىندەگى پروبلەمالار (%0,7)» - دەدى ي. تىلەۋمۇراتوۆ.
سونىمەن قاتار، ول ۇلتتىق كاسىپەرلەر پالاتاسىنىڭ وسى ماسلەلەردى شەشۋ بويىنشا ءبىرقاتار ۇسىنىستار ازىرلەگەنىن جەتكىزدى.
«كاسىپكەرلىك سالاسى وكىلدەرى رۇقسات قۇجاتتارىن الۋ كەزىندە قيىندىقتارعا ءجيى تاپ بولادى. وسىعان بايلانىستى، ۇكپ كاسىپكەرلىكتىڭ مەملەكەتتىك ورگاندارعا جولداعان وتىنىشتەرىن باقىلاپ وتىرۋ ءۇشىن پالاتاعا ەلەكتروندى قۇجات اينالىمى ءبىرىڭعاي جۇيەسىنە قولجەتىمدىلىكتى قامتاماسىز ەتۋ (رەسمي سىرعىتپالاردى، بەلگىلەنگەن مەرزىمدەردى ساقتاماۋ جانە نەگىزسىز باس تارتۋ ارەكەتتەرىن بولدىرماۋ ءۇشىن)، كاسىپكەرلىكتىڭ مەملەكەتتىك قىزمەت كورسەتۋگە بايلانىستى ماسەلەلەرىن تۇراقتى باقىلاپ وتىرۋ ءۇشىن call-ورتالىق اشۋ قاجەت دەپ ەسەپتەيدى»، - دەدى ي. تىلەۋمۇراتوۆ.
بۇدان بولەك، ۇلتتىق كاسىپكەرلەر پالاتاسى تاراپىنان باسقا دا ۇسىنىستار ايتىلدى. ولاردىڭ ىشىندە شاعىن جانە ورتا بيزنەستىڭ اينالىمدىق قاراجاتىن قارجىلاندىرۋ جانە ۆاليۋتالىق قارىزدارىن قايتا قارجىلاندىرۋدى ۇسىنۋ، ق ر ۇلتتىق بانكىنە ەكىنشى دەڭگەيلى بانكتەرگە ءبىرىڭعاي مولشەرلەمە بويىنشا قىسقامەرزىمدى وتىمدىلىكتى جۇزەگە اسىرۋ مۇمكىندىگىن بەرۋ، سونىمەن بىرگە، پايىزدىق مولشەرلەمەنى سۋبسيديالاۋ، «ب ج ك-2020» ءبىرىڭعاي باعدارلاماسى بويىنشا بولىنەتىن بيۋدجەتتىك قاراجات كولەمىن ارتتىرۋ جاعى ۇسىنىلدى.
اۆتور: جاپپاربەرگەن ايبوتا
