22:25, 09 - اقپان 2016 | GMT +5
يراندا جوعارى لاۋازىمدى قىزمەتكە العاش رەت ايەل ادام تاعايىندالدى
استانا. قازاقپارات - يراننىڭ مۇناي ءمينيسترى بيدجان زانگانە العاش رەت ءوزىنىڭ ورىنباسارى جانە يرانداعى National Petrochemical Company (NPC) مۇناي- گاز كومپانياسىنىڭ باسقارۋشى ديرەكتورى قىزمەتىنە ايەل ادامدى تاعايىندادى، دەپ حابارلايدى Shana اگەنتتىگىنە سىلتەمەمەن ر ي ا نوۆوستي.
بۇل قىزمەتكە العاش رەت ايەل - مارزيە شاحداەي (Marziyeh Shahdaei) تاعايىندالعان. بۇعان دەيىن ول NPC كومپانياسىندا جوبالار جونىندەگى ديرەكتور قىزمەتىن اتقارعان.
ونىڭ تاعايىندالۋى تۋرالى حاتتا مينيستر بۇل شەشىمدى سانكسيالاردان كەيىنگى جاڭارتۋ باعىتى، تەحنولوگيالاردى جاڭعىرتۋ، شەتەلدىك ينۆەستيتسيالاردى تارتۋ جانە ەكسپورتتى ءوسىرۋ دەپ ءتۇسىندىردى.
16 -قاڭتاردا يران ەلگە سالىنعان سانكتسيالاردىڭ كوبىنەن قۇتىلدى - بۇل كۇنى ماگاتە بايانداما ۇسىنىپ، ەل بيلىگىنىڭ ول ءۇشىن ۇزاق كەلىسسوزدەر جولىمەن قۇرىلعان يادرولىق الەۋەتتى ايتارلىقتاي تومەندەتۋ بويىنشا باعدارلاماسى ىسكە اسىرۋ دايىندىعىن راستادى. بۇدان كەيىن ە و پەن ا ق ش يراننان ونىڭ يادرولىق باعدارلاماسىمەن بايلانىستى ەكونوميكالىق جانە قارجىلىق سانكسيالاردى العانىن راستادى.
