وبلىس اكىمى پاۆلودارلىقتاردى رەسەيدە ساتىپ العان پاتەرلەرىن زاڭداستىرۋعا شاقىردى

استانا. قازاقپارات - پاۆلودار وبلىسىنىڭ اكىمى قانات بوزىمبايەۆ ءوڭىر تۇرعىندارىن رەسەيدە ساتىپ العان پاتەرلەرىن زاڭداستىرۋعا شاقىردى.

 «رۋبل مەن تەڭگە اراسىنداعى ۆاليۋتالىق قاتىناس جاعدايى قانداي دا ءبىر دارەجەدە پاۆلودار وبلىسىنىڭ ەكونوميكاسىنا اسەر ەتتى. تۇرعىندار وزدەرىنىڭ ديۆيدەندتەرىن الدى.

 كوپتەگەن پاۆلودارلىقتار ومبى جانە نوۆوسىبىر وبلىستارىندا پاتەرلەر ساتىپ الدى. مەن ولاردى وسى مۇلىكتەرىن زاڭداستىرۋعا شاقىرامىن. جىل سوڭىنا دەيىن تاعى دا قوسىمشا ءتيىستى جۇمىستار جۇرگىزەمىز. وسى ورايدا تۇرعىندار وسى پاتەرلەردى زاڭداستىرادى دەپ ويلايمىن»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

زاڭداستىرۋ اكسياسى باستالعالى 3,5 ميلليارد تەڭگە سوماسىنا 1782 نىسان زاڭداستىرىلدى. ەكىنشى دەڭگەيلى بانكتەر فيليالدارىندا 5 جيناقتاۋشى ەسەپ- شوتتار اشىلىپ، وعان 456 ميلليون تەڭگە اۋدارىلدى.