ەلوردادا اكتريسا باقىت جۇماعۇلوۆا «انا جۇرەگى» اتتى مونوسپەكتاكلىن ۇسىنادى

استانا. قازاقپارات - 15 - اقپان كەشكى ساعات 18.00-دە ق. قۋانىشبايەۆ اتىنداعى مەملەكەتتىك اكادەميالىق قازاق مۋزىكالىق دراما تەاترى ساحناسىندا اكتريسا باقىت جۇماعۇلوۆانىڭ سومداۋىندا «انا جۇرەگى» اتتى مونوسپەكتاكلدىڭ پرەمەراسى وتەدى،

دەپ حابارلادى تەاتردىڭ باسپا ءسوز قىزمەتى.

 شىعارما جازۋشى ش. ايتماتوۆتىڭ «قۇس جولى» پوۆەسى نەگىزىندە «انا جۇرەگى» اتاۋىمەن جارىق كوردى. قيىن قىستاۋ كەزدەگى انانىڭ تۋعان جەرىنە، حالقىنا، ەڭ باستىسى جارى مەن بالالارىنا دەگەن ماحابباتىن، باتىلدىعىن، شىدامدىلىعىن قويىلىم نەگىزىنە ارقاۋ ەتكەن.

شىعارمانى قازاق تىلىنە اۋدارعان - ش. مۇرتازا. سپەكتاكلدىڭ رەجيسسەرى - ق ر حالىق ءارتيسى تىلەكتەس مەيراموۆ.