مۇحتار ءابليازوۆتى قازاقستانعا ەكستراديتسيالاۋى مۇمكىن
ول ءۇشىن ەلىمىزدىڭ باس پروكۋراتۋراسى ءبىر توپ ساراپشىنى پاريجگە جىبەرمەك. وتاندىق پروكۋرورلار قاشقىن بانكيردى ەكستراديتسيالاۋعا قاتىستى ەكىجاقتى كەلىسسوز جۇرگىزۋگە دايىندالىپ جاتىر، دەپ جازادى ك ت ك.
«ۇلكەن جۇمىستار اتقارىلۋدا. جاقىن كۇندەرى ساراپشىلاردى پاريجگە جىبەرەمىز. ءبىزدىڭ ماماندار ەكى ەل اراسىنداعى ءۇش كەلىسىم بويىنشا جۇمىس ىستەۋى ءتيىس. ازىرگە فرانسيا قارسىلىق بىلدىرگەن جوق، كەلىسىم بەرۋى كەرەك»، - دەيدى ق ر باس پروكۋرورىنىڭ ورىنباسارى يوگانن مەركەل.
استانا مەن پاريج قۇقىقتىق كومەك، ەكستراديتسيا جانە سوتتالعان ازاماتتار جازاسىن ەلدە وتەۋ ءۇشىن قايتارۋ سىندى ءۇش ماسەلەنى تالقىلايدى. ويتكەنى قازىر ەكى ەل اراسىندا مۇنداي كەلىسىم جوق. سوندىقتان، فرانسيا سوتى مۇحتار ءابليازوۆتى رەسەيگە قايتارىپ بەرۋ تۋرالى شەشىم شىعارعان ەدى. ال قاشقىن بانكيردى ماسكەۋدەن وزگە قازاقستان مەن ۋكراينا دا ەكستراديتسيالاۋعا ءوتىنىش ءبىلدىرىپ وتىر. ەكس-بانكيرگە ءۇش مەملەكەتتىڭ دە قۇقىق قورعاۋشىلارى «الاياقتىقپەن اينالىستى، جالعان قۇجات جاسادى، قىرۋار قارجى جىمقىردى» دەگەن ايىپتار تاعىپ وتىر.
