بريتاندىق كينوكومپانيا قازاقستاندا شىڭعىسحان تۋرالى فيلم تۇسىرمەك
تاراپتار مادەني بايلانىستار ەكى ەل اراسىنداعى تەرەڭ ءوزارا تۇسىنىستىك پەن مادەني قارىم- قاتىناستىڭ ماڭىزدى ارناسى بولاتىنىن اتاپ ءوتتى.
«ءبىزدىڭ مەملەكەتتەردىڭ الەۋمەتتىك- ەكونوميكالىق دامۋى جانە ۇلت كوشباسشىسىنىڭ 100 ناقتى قادامىن ىسكە اسىرۋ ءۇشىن مادەنيەت، ونەر جانە كينو ءوندىرىسىنىڭ ماڭىزدىلىعىن تۇسىنەمىز. تەڭ جانە ءوزارا ءتيىمدى ارىپتەستىككە ازىرلىك كورسەتە وتىرىپ، ءبىز ق ر مەن ۇلى بريتانيا اراسىنداعى مادەني ىنتىماقتاستىقتى كوتەرمەلەپ، قولدايمىز»، - دەپ اتاپ ءوتتى ا. مۇحامەدي ۇلى.
قازىردە «WE WILL ROCK YOU» ميۋزكلىن ۇيىمداستىرۋ، قازاقستان اۋماعىندا «شىڭعىس حان» كوركەم فيلمىن، كونفەسسياارالىق قاتىناستاردى نىعايتۋ اياسىندا يسا پايعامبار تۋرالى ەكى دەرەكتى فيلم ءتۇسىرۋدى ۇيىمداستىرۋ سالاسىنداعى 2016-2017 ج ج. ارنالعان ءۇش جاقتى كەلىسىمگە قول قويىلدى.
