وڭتۇستىك قازاقستان اكىمىنىڭ جاڭا ورىنباسارى تاعايىندالدى

استانا. قازاقپارات - قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن ءوڭىر باسشىسىنىڭ وكىمىمەن وڭتۇستىك قازاقستان وبلىسى اكىمىنىڭ ورىنباسارى لاۋازىمىنا ۇلاسبەك سادىبەك ۇلى سادىبەكوۆ تاعايىندالدى.

بۇل تۋرالى و ق و اكىمىنىڭ باسپا ءسوز قىزمەتى حابارلادى.

بۇگىننەن باستاپ، ۇلاسبەك سادىبەكوۆ وبلىس اكىمىنىڭ ورىنباسارى لاۋازىمىندا الەۋمەتتىك جانە يدەولوگيا سالالارىنا جەتەكشىلىك ەتەتىن بولادى.

ۇلاسبەك سادىبەك ۇلى بايدىبەك اۋدانى جامبىل اۋىلىندا 1967 -جىلى دۇنيگە كەلگەن. ءبىلىمى جوعارى، ماماندىعى بويىنشا ينجەنەر- ەلەكتريك، حالىقارالىق ەكونوميست. ەڭبەك جولىن 1983 -جىلى العاباس اۋداندىق مال بورداقىلاۋ بىرلەستىگىنىڭ جۇمىسشىسى بولىپ باستاعان. 1992-2015 -جىلدارى العاباس اۋدانى اكىمشىلىگى ىشكى ساياسات ءبولىمىنىڭ مامانى، باس مامانى، جاستار ءىسى، ساياحات جانە سپورت باسقارماسىنىڭ باستىعى، شىمكەنت قالاسى «جەتىگەن» ج ش س ديرەكتورى، وڭتۇستىك قازاقستان وبلىسى بايدىبەك اۋدانى اكىمىنىڭ ورىنباسارى، وبلىس اكىمى اپپاراتى الەۋمەتتىك- مادەني كەشەنى ءبولىمىنىڭ مەڭگەرۋشىسى، وڭتۇستىك قازاقستان وبلىسى جاستار ءىسى جانە ىشكى ساياسات دەپارتامەنتىنىڭ باستىعى، وڭتۇستىك قازاقستان وبلىسى ىشكى ساياسات دەپارتامەنتىنىڭ ديرەكتورى، وڭتۇستىك قازاقستان وبلىسى بايدىبەك، سارى اعاش اۋداندارىنىڭ اكىمى، «نۇر وتان» ح د پ- نىڭ وڭتۇستىك قازاقستان وبلىستىق فيليالى ءتوراعاسىنىڭ ءبىرىنشى ورىنباسارى قىزمەتتەرىن اتقارعان.

2012 -جىلعى قاڭتار ايىنان باستاپ قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بولىپ ەڭبەك ەتىپ كەلدى.