ق ر پرەزيدەنتى اكىمدەردىڭ حالىقپەن ەسەپتى كەزدەسۋلەرىن وتكىزۋ تۋرالى جارلىققا قول قويدى

استانا. قازاقپارات - ەلباسى نۇرسۇلتان نازاربايەۆ «ورتالىق اتقارۋشى ورگاندار باسشىلارىنىڭ، اكىمدەردىڭ، ۇلتتىق جوعارى وقۋ ورىندارى رەكتورلارىنىڭ حالىققا ەسەپ بەرۋ كەزدەسۋلەرىن وتكىزۋ تۋرالى» جارلىققا قول قويدى، دەپ حابارلادى اقوردانىڭ باسپا ءسوز قىزمەتى.

قازاقستان رەسپۋبليكاسى پرەزيدەنتىنىڭ جارلىعى

ورتالىق اتقارۋشى ورگاندار باسشىلارىنىڭ، اكىمدەردىڭ، ۇلتتىق جوعارى وقۋ ورىندارى رەكتورلارىنىڭ حالىققا ەسەپ بەرۋ كەزدەسۋلەرىن وتكىزۋ تۋرالى

«قازاقستان رەسپۋبليكاسىنىڭ پرەزيدەنتى تۋرالى» 1995 -جىلعى 26 -جەلتوقسانداعى قازاقستان رەسپۋبليكاسى كونستيتۋتسيالىق زاڭىنىڭ

 10, 17 جانە 21-باپتارىنا سايكەس جانە قوعامدى ودان ءارى دەموكراتيالاندىرۋ، حالىقتى ەلدە جۇرگىزىلىپ جاتقان رەفورمالار تۋرالى حاباردار ەتۋ، اتقارۋشى ورگانداردىڭ جانە ۇلتتىق جوعارى وقۋ ورىندارىنىڭ حالىق الدىنداعى اشىقتىعىن، جاۋاپتىلىعىن، ەسەپتىلىگىن ارتتىرۋ ماقساتىندا قاۋلى ەتەمىن:

1. ورتالىق اتقارۋشى ورگانداردىڭ (قازاقستان رەسپۋبليكاسى قورعانىس مينيسترلىگىن قوسپاعاندا) باسشىلارى جىل سايىن، ەكىنشى توقسان ىشىندە وڭىرلەرمەن بەينەكونفەرەنسبايلانىسىن ۇيىمداستىرا وتىرىپ، جۇرتشىلىق وكىلدەرىمەن ەسەپ بەرۋ كەزدەسۋلەرىن وتكىزسىن، ولاردىڭ بارىسىندا ەلدە ىسكە اسىرىلىپ جاتقان رەفورمالار، الەۋمەتتىك- ەكونوميكالىق دامۋ، ستراتەگيالىق جوسپارلاردىڭ ءتۇيىندى كورسەتكىشتەرىنە قول جەتكىزۋ مەن ءتيىستى سالالاردى دامىتۋ جونىندەگى مىندەتتەر تۋرالى حاباردار ەتسىن.

 2. بارلىق دەڭگەيدەگى اكىمدەر جىل سايىن، ءبىرىنشى توقسان ىشىندە حالىققا ەسەپ بەرۋ كەزدەسۋلەرىن وتكىزسىن، ولاردىڭ بارىسىندا ەلدە ىسكە اسىرىلىپ جاتقان رەفورمالار، ءتيىستى اكىمشىلىك- اۋماقتىق بىرلىكتىڭ وتكەن جىلداعى الەۋمەتتىك- ەكونوميكالىق دامۋى، اۋماقتاردى دامىتۋ باعدارلامالارىنىڭ ءتۇيىندى كورسەتكىشتەرىنە قول جەتكىزۋ، ونى ءارى دامىتۋدىڭ مىندەتتەرى مەن نەگىزگى باعىتتارى، ءوڭىردىڭ الەۋمەتتىك- ەكونوميكالىق دامۋ باسىمدىقتارىن ايقىنداۋ بولىگىندە جەرگىلىكتى بيۋدجەتتەردىڭ جوبالارىن قالىپتاستىرۋ پروتسەسى تۋرالى حاباردار ەتسىن.

3. ۇلتتىق جوعارى وقۋ ورىندارىنىڭ رەكتورلارى جىل سايىن، ءۇشىنشى توقسان ىشىندە حالىقپەن، ونىڭ ىشىندە اتا- انالارمەن، ءبىلىم الۋشىلارمەن، جۇمىس بەرۋشىلەرمەن، عىلىمي- پەداگوگ جۇرتشىلىقتىڭ جانە بۇقارالىق اقپارات قۇرالدارىنىڭ وكىلدەرىمەن ءبىلىم بەرۋ، عىلىمي- زەرتتەۋ جانە تاربيە قىزمەتىنىڭ ماسەلەلەرى بويىنشا ەسەپ بەرۋ كەزدەسۋلەرىن وتكىزسىن.

4. ورتالىق جانە جەرگىلىكتى اتقارۋشى ورگاندار باسشىلارىنىڭ ەسەپتەرىن دايىنداۋعا جانە وتكىزۋگە قازاقستان رەسپۋبليكاسىنىڭ قولدانىستاعى زاڭناماسىنا سايكەس ورتالىق جانە جەرگىلىكتى اتقارۋشى ورگاندار جانىنان قۇرىلاتىن قوعامدىق كەڭەستەر تارتىلسىن.

5. ورتالىق جانە جەرگىلىكتى اتقارۋشى ورگاندار ەسەپ بەرۋلەر وتكىزىلەتىن كۇنگە دەيىن كەمىندە كۇنتىزبەلىك 10 كۇن بۇرىن ورتالىق جانە وڭىرلىك باسپا ءسوز بۇقارالىق اقپارات قۇرالدارىندا جانە رەسمي ينتەرنەت- رەسۋرستاردا ەسەپ بەرۋ كەزدەسۋلەرىن وتكىزۋ كەستەلەرىن جانە الداعى ەسەپ بەرۋلەرگە حالىقتىڭ سۇراقتارى مەن ۇسىنىستارىن جولداۋ تاسىلدەرى تۋرالى اقپاراتتى جاريالاسىن.

6. ورتالىق جانە جەرگىلىكتى اتقارۋشى ورگانداردىڭ باسشىلارى ەسەپ بەرۋ كەزدەسۋلەرى اياقتالعان كۇننەن باستاپ كۇنتىزبەلىك 10 كۇننەن كەشىكتىرمەي، ورتالىق اتقارۋشى جانە جەرگىلىكتى اتقارۋشى ورگانداردىڭ رەسمي ينتەرنەت- رەسۋرستارىندا ەسەپتەردى جانە ەسەپ بەرۋ كەزدەسۋلەرىندە حالىق كوتەرگەن پروبلەمالىق ماسەلەلەردىڭ تىزبەسىن، ولاردى شەشۋ بويىنشا ءتيىستى شارالار قابىلداۋ مەرزىمدەرىن كورسەتە وتىرىپ، ورنالاستىرۋدى قامتاماسىز ەتسىن.

7. ەسەپ بەرۋ كەزدەسۋلەرىندە حالىق كوتەرگەن پروبلەمالىق ماسەلەلەردىڭ شەشىلۋ بارىسى تۋرالى اقپارات توقسان سايىن، ەسەپتى كەزەڭنەن كەيىنگى ايدىڭ 10-كۇنىنە قاراي ورتالىق جانە جەرگىلىكتى اتقارۋشى ورگاننىڭ رەسمي سايتىندا ورنالاستىرىلسىن.

8. ۇلتتىق جوعارى وقۋ ورىندارىنىڭ رەكتورلارى ەسەپ بەرۋ كەزدەسۋلەرى اياقتالعان كۇننەن باستاپ كۇنتىزبەلىك 10 كۇننەن كەشىكتىرمەي، ءوز ينتەرنەت- رەسۋرستارىندا ەسەپتەردى جانە ەسەپ بەرۋ كەزدەسۋلەرىندە كوتەرىلگەن پروبلەمالىق ماسەلەلەردىڭ تىزبەسىن، ولاردى شەشۋ بويىنشا ءتيىستى شارالار قابىلداۋ مەرزىمدەرىن كورسەتە وتىرىپ، ورنالاستىرۋدى قامتاماسىز ەتسىن.

9. ورتالىق اتقارۋشى ورگانداردىڭ باسشىلارى جانە استانانىڭ، رەسپۋبليكالىق ماڭىزى بار قالا مەن وبلىستاردىڭ اكىمدەرى تومەن تۇرعان اكىمدەر كەزدەسۋلەرىنىڭ ەسەپتى جىلداعى قورىتىندىلارىن ەسكەرە وتىرىپ، حالىققا ەسەپ بەرۋ كەزدەسۋلەرى وتكىزىلگەن كۇننەن باستاپ ءبىر ايدان كەشىكتىرمەي، ولاردىڭ ناتيجەلەرى تۋرالى قازاقستان رەسپۋبليكاسى پرەزيدەنتىنىڭ اكىمشىلىگىن جانە ۇكىمەتىن حاباردار ەتسىن.

10. ۇلتتىق جوعارى وقۋ ورىندارىنىڭ رەكتورلارى ەسەپ بەرۋ كەزدەسۋلەرى وتكىزىلگەن كۇننەن باستاپ ءبىر ايدان كەشىكتىرمەي، ولاردىڭ ناتيجەلەرى تۋرالى ءبىلىم جانە عىلىم سالاسىنداعى ورتالىق ۋاكىلەتتى ورگاندى حاباردار ەتسىن.

11. ءبىلىم جانە عىلىم سالاسىنداعى ۋاكىلەتتى ورگاننىڭ باسشىسى ۇلتتىق جوعارى وقۋ ورىندارى ۇسىنعان اقپاراتتى العان كۇننەن باستاپ ءبىر ايدىڭ ىشىندە ەسەپ بەرۋ كەزدەسۋلەرىنىڭ ناتيجەلەرى تۋرالى قازاقستان رەسپۋبليكاسى پرەزيدەنتىنىڭ اكىمشىلىگىن جانە ۇكىمەتىن حاباردار ەتسىن.

12. قازاقستان رەسپۋبليكاسىنىڭ ۇكىمەتى:

1) ورتالىق جانە جەرگىلىكتى اتقارۋشى ورگاندار باسشىلارىنىڭ، ۇلتتىق جوعارى وقۋ ورىندارى رەكتورلارىنىڭ ەسەپ بەرۋىنىڭ ۇلگىلىك نىساندارىن دايىنداۋدى جانە بەكىتۋدى؛

 2) جىل سايىن، 15 -قاڭتارعا قاراي ورتالىق جانە جەرگىلىكتى اتقارۋشى ورگاندار باسشىلارىنىڭ، ۇلتتىق جوعارى وقۋ ورىندارى رەكتورلارىنىڭ حالىق الدىندا ەسەپ بەرۋلەر وتكىزۋ كەستەسىن دايىنداۋدى جانە بەكىتۋدى؛

3) ۇلتتىق حولدينگتەر مەن كومپانيالار باسشىلارىنىڭ ورتالىق اتقارۋشى ورگاندار باسشىلارىنىڭ ەسەپ بەرۋ كەزدەسۋلەرىنە قاتىسۋىن؛

4) قازاقستان رەسپۋبليكاسىنىڭ ۇكىمەتى مۇشەلەرىنىڭ، ورتالىق مەملەكەتتىك ورگاندار، ۇلتتىق حولدينگتەر مەن كومپانيالار باسشىلارىنىڭ وبلىستار، رەسپۋبليكالىق ماڭىزى بار قالا، استانا اكىمدەرىنىڭ حالىققا ەسەپ بەرۋ كەزدەسۋلەرىنە قاتىسۋىن؛

5) ورتالىق اتقارۋشى ورگانداردىڭ، ۇلتتىق حولدينگتەر مەن كومپانيالاردىڭ رەسمي ينتەرنەت- رەسۋرستارىندا اكىمدەردىڭ حالىقپەن ەسەپ بەرۋ كەزدەسۋلەرىنىڭ قورىتىندىسى بويىنشا حالىق كوتەرگەن ماسەلەلەردىڭ قاتارىنان ءوز قۇزىرەتىنە كىرەتىن پروبلەمالىق ماسەلەلەردىڭ تىزبەسىن ورنالاستىرۋىن؛

6) قازاقستان رەسپۋبليكاسى پرەزيدەنتىنىڭ اكىمشىلىگىمەن كەلىسۋ بويىنشا حالىققا ەسەپ بەرۋ كەزدەسۋلەرىندە كوتەرىلگەن پروبلەمالاردى شەشۋ جونىندەگى شارالاردىڭ قابىلدانۋىن قامتاماسىز ەتسىن.

13. وبلىستاردىڭ، رەسپۋبليكالىق ماڭىزى بار قالانىڭ، استانانىڭ اكىمدەرى جانە ولاردىڭ ورىنباسارلارى اۋداندار (وبلىستىق ماڭىزى بار قالالار)، قالاداعى اۋداندار اكىمدەرىنىڭ حالىققا ەسەپ بەرۋ كەزدەسۋلەرىنە قاتىسسىن.

14. مىنالاردىڭ كۇشى جويىلدى دەپ تانىلسىن:

1) «اكىمدەردىڭ حالىققا ەسەپ بەرۋ كەزدەسۋلەرىن وتكىزۋ تۋرالى» قازاقستان رەسپۋبليكاسى پرەزيدەنتىنىڭ 2014 -جىلعى 15 تامىزداعى № 615 جارلىعى (قازاقستان رەسپۋبليكاسىنىڭ پ ءۇ ءا ج- ى، 2013 ج. , № 44, 648-قۇجات)؛

2) «اكىمدەردىڭ حالىققا ەسەپ بەرۋ كەزدەسۋلەرىن وتكىزۋ تۋرالى» قازاقستان رەسپۋبليكاسى پرەزيدەنتىنىڭ 2013 -جىلعى 15 -تامىزداعى № 615 جارلىعىنا وزگەرىستەر مەن تولىقتىرۋ ەنگىزۋ جانە «ەلوردانىڭ، رەسپۋبليكالىق ماڭىزى بار قالانىڭ، وبلىستاردىڭ، وبلىستىق ماڭىزى بار قالالاردىڭ جانە اۋدانداردىڭ رەيتينگتەرى تۋرالى» قازاقستان رەسپۋبليكاسى پرەزيدەنتىنىڭ 2013 -جىلعى 11 -اقپانداعى № 500 جارلىعىنىڭ كۇشى جويىلدى دەپ تانۋ تۋرالى» قازاقستان رەسپۋبليكاسى پرەزيدەنتىنىڭ 2013 -جىلعى 2 -ساۋىردەگى № 776 -جارلىعى (قازاقستان رەسپۋبليكاسىنىڭ پ ءۇ ءا ج- ى، 2014 ج. , № 25, 186-قۇجات).

15. وسى جارلىق 2016 -جىلعى 1 -قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس.

قازاقستان رەسپۋبليكاسىنىڭ پرەزيدەنتى ن. نازاربايەۆ

استانا، اقوردا، 2016 -جىلعى 5 -اقپان

 № 190