تەڭگەنىڭ قۇنسىزدانۋى اۋە بيلەتتەرىنىڭ باعاسىنا قالاي اسەر ەتتى
وسى ماقساتتا «ۇشاق بيلەتتەرىنىڭ ورتاشا يندەكسى» دەگەن تۇسىنىك ەنگىزىلدى. مىسالى، 2015 -جىلدىڭ شىلدەسىندە حالىقارالىق باعىتتا ۇشۋدىڭ ورتاشا قۇنى 74277 تەڭگە بولسا، قازاندا 94739 تەڭگەگە دەيىن كوتەرىلىپ، 27 پايىزعا وسكەن. ال قازاقستان ىشىندە اۋە بيلەتتەرىنىڭ باعاسى 1000 تەڭگەگە، ياعني 20679 تەڭگەدەن 19599 تەڭگەگە دەيىن تومەندەدى. ايتا كەتەيىك، بۇل ىشكى نارىقتا باسەكەلەستەردىڭ كوبەيۋىمەن بايلانىستى بولىپ وتىر. سەبەبى سول ۋاقىتتا ەلىمىزدە تاعى ءبىر اۋە تاسىمالى - Qazaq Air پايدا بولدى. ال Bek Air كومپانياسى تاسىمالداۋ كولەمىن ۇلعايتۋدى جالعاستىرا بەردى.
وسى جىلدىڭ قاڭتارىنداعى ۇلتتىق ۆاليۋتانىڭ تۇراقتانۋىنان كەيىن اۆيابيلەت يندەكسى حالىقارالىق باعىتتار بويىنشا 98007 تەڭگە بولسا (جارتى جىلدا 32 پايىزعا ءوستى)، قازاقستان ىشىندەگى باعىتتار بويىنشا 18211 تەڭگەنى قۇرادى (جارتى جىلدا 12 پايىزعا دەيىن تومەندەدى). حالىقارالىق باعىتتار بويىنشا جەكەلەگەن بيلەت باعاسى 60 پايىزعا ءوستى. بۇل ساياحاتقا شىعاتىنداردىڭ الىس باعىتتاردان باس تارتۋىنا، ياعني ا ق ش شتاتتارىنا بارعىسى كەلەتىندەردىڭ ەۋروپانى تاڭداۋىنا ىقپال ەتتى.
ايتا كەتەيىك، زەرتتەۋ مالىمەتىنشە، 2016 -جىلدىڭ قاڭتارىندا قازاقستانداعى ەڭ ارزان اۋە بيلەتىنىڭ باعاسى 9771 تەڭگە بولعان (Air Astana, قىزىلوردا - استانا باعىتى)، ال ەڭ قىمباتى 1640746 تەڭگەگە (Air Astana, استانا- بەيجيڭ، 2 ادامعا ارنالعان بيزنەس- كلاسس) دەيىن جەتكەن.
