ماڭعىستاۋ وبلىسىنداعى ەڭ ۇلكەن مەشىت جاڭاوزەن قالاسىندا سالىنادى - فوتو
«مەشىت قۇرىلىسى 3 جىل بۇرىن جاڭاوزەن تۇرعىندارىنىڭ باستاماسىمەن جانە سولاردىڭ قاراجاتىمەن باستالعان. اقشا جيناۋ ءۇشىن «ىنتىماق» قورى اشىلدى. جاڭاوزەن تۇرعىندارىنان جانە «قازمۇنايگاز» كومپانياسىنان 79 ميلليون تەڭگە جينالدى. بۇل اقشا ءبىرىنشى قاباتتى سالۋعا عانا جەتتى. سوسىن قۇرىلىس جۇمىستارى ەكى جىلعا توقتاتىلدى. 2015 -جىلعى قازاننان باستاپ قورعا تاعى 5 ميلليون 600 مىڭ تەڭگە كەلىپ ءتۇستى. بۇل قاراجاتقا مەشىت اۋماعىنا اسحانا سالىپ، ماڭايدى كوگالداندىرادى. بۇگىن جەكە قايىرىمدىلىق ەسەبىنەن ەكىنشى قاباتتىڭ قۇرىلىسى اياقتالدى، وندا نەكە قيۋ، بالالاردى وقىتۋعا بولمە، ناماز وقيتىن زال، قىزمەتتىك ءۇي- جاي ورنالاسادى، دەدى جەرگىلىكتى كاسىپكەر قوشباي قىزانبايەۆ. ول وتكەن جىلدان باستاپ مەشىت قۇرىلىسىنا باسشىلىق ەتەدى»، - دەلىنگەن حابارلامادا.
بۇل ماڭعىستاۋ وبلىسىنداعى ەڭ ۇلكەن مەشىت بولادى. ەگەر اقتاۋداعى مەشىتكە ءبىر ساتتە 1000 ادام سىيسا، مۇندا 1500 ادام سىيادى.
