14:48, 08 - اقپان 2016 | GMT +5
الماتىدا مايمىل سالعان سۋرەت كورمەسى ءوتتى - فوتو
الماتى. قازاقپارات - الماتىدا تۇڭعىش رەت مايمىل سالعان سۋرەت كورمەسى ءوتتى. توميريس اتتى شيمپانزەنى قىلقالام شەبەرلىگىنە زووباق قىزمەتكەرلەرى ۇيرەتكەن.
بۇل تۋرالى الماتى زووباعىنىڭ باسپا ءسوز حاتشىسى ميحايل سوروكوۋموۆ حابارلادى.
شىعارماشىلىق كورمەسى تەك زووباق قىزمەتكەرلەرىنىڭ عانا ەمەس كاسىبي سۋرەتشىلەردىڭ دە قىزىعۋشىلىعىن تۋعىزىپ وتىر.
كەلۋشىلەردىڭ نازارىنا 10 سۋرەت قويىلعان. بۇل شىعارماشىلىق «يەسىنىڭ» ساقتالعان نۇسقالارى. باسقالارىن زووباق تۇرعىندارى جويىپ وتىرعان.
پريماتتار سەكتسياسىنىڭ جەتەكشىسى شولپان ابدىبەكوۆا شيمپانزەگە سۋرەت سالۋدى ءوزى ۇيرەتكەن. «قىلقالام شەبەرىنە» بوياۋ، قاعاز، تاعى باسقا قۇرالداردى «يۋننات» جاس ناتۋراليستەر كلۋبى تاۋىپ بەرگەن.
