بولمانوۆ: جانار ەكەۋمىز ءبىر بولمەدە، ءبىر كورپەنى جامىلىپ جاتاتىن دوس بولعانبىز
بۇل تۋرالى Stan.kz حابارلايدى.
ءانشىنىڭ ايتۋىنشا، ءوزى «قۇلاساڭ، ناردان قۇلا» دەپ «ازيا داۋىسى» بايقاۋىنا دايىندالىپ جۇرگەن كەزدە تانىسقان. ول كەزدە جانار ايجانوۆانىڭ اتى الاشقا تارالىپ ۇلگەرىپ، كوپشىلىك اراسىندا تانىمال بولعان. كونسەرتتەرىنە حالىق بيلەت تاپپاي، ارەڭ كىرەتىن كورىنەدى.
جانار ايجانوۆا كونسەرتتەردىڭ بىرىنە قىدىرالىنى دە كومەگىڭ كەرەك دەپ وزىمەن بىرگە الا بارادى. ءبىرى ساحنادا ونەر كورسەتىپ جاتقاندا ەكىنشىسى ەسەپ-قيساپتى رەتتەيدى، قىدىرالى گيتارامەن ءان سالعاندا، جانار دەمالىپ ۇلگەرەدى. ءتىپتى، قوناقۇيدە بىرگە تۇنەپ، شۆارتسنەگگەر، بريۋس لي، دجەكي چان سىندى اكتەرلەردىڭ فيلمدەرىن بىرگە قاراعان ەكەن.
بۇل تۋرالى ءوزىنىڭ ينستاگرامداعى پاراقشاسىندا «سونى قاراپ وتىرىپ، كەيدە قۇشاقتاسىپ ۇيىقتاي سالاتىنبىز. ءبىراق قاسىمدا قىز بالا جاتىر-اۋ، بىلاي قىلسام قالاي بولادى دەپ ءبىر دە ءبىر رەت باسىمدى قاتىرماپپىن... بوتا كوزىن سۇزبەسە، بۋىرشىن بۇيداسىن ۇزبەيدى دەگەن... سوعان قاراماي، اردان اتتامادىق، ارامىزدا ادالدىقتان وربىگەن ابىروي قالدى... اللا كۋا!!!»، - دەپ جازىپ، جارى قاراقاتپەن بىرگە تۋعان كۇنىمەن قۇتتىقتادى.
جانار ايجانوۆانىڭ ءوزى وسى جايتتى جۋرناليستەرگە بەرگەن سۇحباتىندا دا بىرنەشە رەت ايتقان.
«كەيدە ەلدى ارالاپ ۇزاق ءجۇرىپ قالامىز. كۇن رايى دا وزگەرىپ كەتەدى. ول مەنىڭ كوستيۋمدەرىمدى (سىرت كيىم) كيىپ الىپ جۇرە بەرەتىن. ءتىپتى ءسويتىپ ءجۇرىپ سۋرەتكە دە تۇسەتىنبىز»، - دەگەن ەدى جانار ايجانوۆا.
