ەردوعان پۋتينگە: ءسىز نەگىزىندە باسقىنشىسىز

بۇل تۋرالى ر ب ك جازدى.

ەردوعان سيرياداعى سوڭعى جاعدايلاردى ايتا كەلىپ، سيريالىق ۇكىمەتتىڭ رەسەيلىك كۇشتەردىڭ كومەگىمەن الەپپودا ورنالاسقان بۇلىكشىلەردى جويعانىن ايتىپ، پۋتينگە «ءسىز سيريادا نە ىستەپ ءجۇرسىز؟ ءسىز نەگىزىندە باسقىنشىسىز»، - دەدى.

ايتا كەتەيىك، وسىدان ءبىر اپتا بۇرىن تۇركيا رەسەيدى ءوز اۋە كەڭىستىگىن تاعى دا بۇزدى دەپ ايىپتاعان بولاتىن. وسىدان كەيىن ەردوعان پۋتيننەن شۇعىل تۇردە كەزدەسۋدى سۇرادى. رەسەي پرەزيدەنتىنىڭ باسپا ءسوز حاتشىسى ەكى ەل باسشىلارى اراسىندا جاقىن ارادا ەشقانداي كەزدەسۋدىڭ بولمايتىنىن جاۋاپ رەتىندە مالىمدەدى.

Hurriyet باسىلىمىنا بەرگەن سۇحباتىندا ەردوعان امەريكالىقتاردىڭ سيريالىق كۇردتەرمەن بايلانىسىن دا تالقىعا سالدى. ول وبامانىڭ جەكە وكىلىنىڭ كۇردتەردى باقىلاۋ ماقساتىندا كوباني قالاسىنا كەلۋىنە نارازىلىق ءبىلدىردى. «ءبىز سىزدەرگە قالاي سەنەمىز؟ - دەدى تۇركيا پرەزيدەنتى امەريكالىقتارعا. - سىزدەردىڭ سەرىكتەستەرىڭىز كىم؟ مەن بە، كوبانيدەگى لاڭكەستەر مە؟».

تىلشىلەردىڭ وقيعا باسقاشا جالعاسسا ارى قاراي جوسپار قالاي بولادى دەگەن سۇراعىنا ەردوعان ۇلتتىق قاۋىپسىزدىك كۇشتەرىنىڭ «مۇمكىن بولاتىن بارلىق سەناريگە دايىن» ەكەنىن جەتكىزدى.

سونىمەن قاتار، «يزۆەستيا» باسىلىمىنىڭ مالىمەتىنشە، رەسەي تۇركيامەن 1921-جىلدان بەرگى دوستىق ءارى باۋىرلاستىق تۋرالى كەلىسىمدى بۇزۋعا ۇندەۋ دايىنداپ جاتقانىن حابارلادى. ۇسىنىستى ۆلاديمير پۋتينگە جانە سىرتقى ىستەر ءمينيسترى سەرگەي لاۆروۆقا كوممۋنيست-دەپۋتاتتار ۆالەري راشكين مەن سەرگەي وبۋحوۆ جولداعان.

باسىلىمنىڭ مالىمەتىنشە، بۇل باستامانى ك پ ر ف پارتياسى عانا ەمەس، «سپراۆەدليۆايا روسسيا» دا قولداپ وتىر.

tengrinews.kz