09:23, 08 - اقپان 2016 | GMT +5
چىڭ لۇڭنىڭ قاتىسۋىمەن تۇسىرىلگەن فيلم لوندوندىقتاردىڭ رەنىشىن تۋدىردى
استانا. قازاقپارات - لوندوندىقتاردى جەكي چاننىڭ (چىڭ لۇڭ) قاتىسۋىمەن تۇسىرىلگەن فيلم قاتتى شوشىتتى. كەيبىرەۋلەر قالا ورتالىعىندا اۆتوبۋستىڭ جارىلۋىن 2005 -جىلى لاڭكەستەر شابۋىلىنىڭ قايتالانۋى دەپ تە ويلاپ قالعان.
اسسوشيەيتەد پرەسس اگەنتتىگىنىڭ حابارلاۋىنشا، قويىلىمدىق جارىلىس جەكي چان جانە پيرس بروسناننىڭ قاتىسۋىمەن ءتۇسىرىلىپ جاتقان The Foreigner ("شەتەلدىك") فيلمىن ءتۇسىرۋ كەزىندە بولعان. جارىلىس كەزدەيسوق ءوتىپ بارا جاتقانداردان قورشالعان لامبەت كوپىرىندە بولدى.
لوندوندىقتار الداعى قويىلىم تۋرالى الدىن الا ايتىلماعانىنا رەنىشتەرىن ءبىلدىردى. كەيبىرەۋلەرىنە بۇل وقيعا 2005 -جىلدىڭ 7 - شىلدەسىندە لاڭكەستەردىڭ مەتروپوليتەننىڭ ءۇش پويىزى مەن تاۆيستوك ساياباعىنداعى اۆتوبۋستى جارۋىن ەسكە سالدى. ول كەزدە لاڭكەستىك ارەكەتتەردىڭ سالدارىنان 52 ادام قازا تاۋىپ، تاعى 700 ءى جاراقاتتانعان بولاتىن.
