قىتاي تۇرعىندارى مەشىن جىلىن قارسى الۋدا

استانا. قازاقپارات - دۇيسەنبى كۇنى قىتاي جۇرتى اي كۇنتىزبەسى بويىنشا جاڭا جىل - مەشىن جىلىن قارسى الىپ جاتىر.

قىتاي قالالارىنىڭ كوشەلەرىندە ادامدار كەشتەن باستاپ ءتۇنى بويى ساليۋتتار مەن وتشاشۋلار اتىپ، مەرەكەنى قۋانىشپەن تويلاۋ ۇستىندە. سەنىم بويىنشا، جاڭا جىل مەرەكەسىن وسىلاي وتكىزۋ جىن-پەرىلەردى قۋىپ، ەل تۇرعىندارىنا الداعى جىلدى باقىتتى وتكىزەتىندەرىنە ءۇمىت سىيلايدى.

قىتايدا «چۋنتسزە» دەپ اتالاتىن كوكتەم مەرەكەسىن ەل تۇرعىندارى ءداستۇرلى تۇردە وتباسىمەن، جاقىندارىمەن تويلايدى. جاڭا جىلدىڭ العاشقى بىرنەشە كۇنىن مىندەتتى تۇردە تۋىستارمەن وتكىزۋ قاجەت. اپتاعا سوزىلاتىن تويلاۋ كەزىندە ۇستەل باسىنداعى ءداستۇرلى وتىرىستار بولادى - اس مازىرىندە مىندەتتى تاعام - تۇشپارانى بۇكىل وتباسى بولىپ ازىرلەيدى، دەپ جازادى ت ا س س.