مەرۋەرت تۇسىپبايەۆا اقپاراتتىڭ جالعان ەكەنىن ايتىپ، جىلاپ رەنىشىن ءبىلدىردى - كەسكىن
بۇل تۋرالى Baistars.kz سايتى حابارلايدى
ايتا كەتەيىك، وسىعان دەيىن ينتەرنەتتە روليك پايدا بولدى. وتاندىق اقپارات قۇرالدارى ۆيدەودا ساحناعا شىعىپ، ات ۇستىنەن قۇلاپ تۇسكەن ونەرپازدى مەرۋەرت تۇسىپبايەۆا دەپ جاريالاپ جىبەرگەن ەدى. ۆيدەودا قازاقتىڭ ۇلتتىق كويلەگىن كيگەن ونەرپاز ات ۇستىندە تۇرىپ، «مەرۋەرت تۇسىپبايەۆا قىزدارىڭىز الدارىڭىزدا اسەم ءاندى شاشۋ ەتەدى» دەپ جاريالايدى، وسىدان كەيىن ات ۇركىپ كەتىپ، ونەرپاز قۇلاپ تۇسەدى.
الايدا، رەداكسيامىزعا حابارلاسقان تۇسىپبايەۆا روليكتە باسقا ادامنىڭ بەينەلەنگەنىن ايتىپ بەردى. «تارالىپ كەتكەن روليكتى ماعان جىبەرگەندەر كوپ بولدى. بۇل ۆيدەودا مەن ەمەس، سۇلۋ دارىبايەۆا. بۇل حابار اناما دا جەتكەن. وسى جاڭالىقتى ەستىگەن انامنىڭ قان قىسىلىمى كوتەرىلىپ، جەدەل جاردەم شاقىرتۋعا تۋرا كەلدى. سوندىقتان مەنىڭ مۇددەمدى قورعايتىن ادۆوكاتىم سول سايتتىڭ ۇستىنەن ارىز تۇسىرەدى» - دەدى جىلارمان بولعان تۇسىپبايەۆا.
وسى كونسەرتتى ۇيىمداستىرعانداردىڭ ءبىرى ۇلان مۇسايەۆ تىلشىمىزگە كونسەرتتىڭ 17 -قاڭتاردا قايىرىمدىلىق شارا رەتىندە بولىپ وتكەنىن ايتىپ بەردى. «كونسەرت جۇرگىزۋشىسى سۇلۋ دارىبايەۆا ساحناعا كەلەسى بولىپ شىعاتىن مەرۋەرت تۇسىپبايەۆانى تانىستىرۋ ساتىندە اتتان قۇلاپ كەتتى. ءبىراق بۇل ۆيدەوعا مەرۋەرت تۇسىپبايەۆانىڭ ەش قاتىسى جوق. جالعان اقپارات تاراتقان سايتتاردى جاۋاپكەرشىلىككە تارتۋ ويىمىزدا بار»، - دەدى ول. ال سۇلۋ دارىبايەۆانىڭ دەنساۋلىعىنا، ۇيىمداستىرۋشىنىڭ ايتۋىنشا، قاۋىپ تونبەدى جانە قازىرگى ۋاقىتتا ول امان-ەسەن.
