وسكەمەندە «قاۋىپتى» كورمە اشىلدى

استانا. قازاقپارات - وسكەمەندە بۇرىن-سوڭدى بولماعان قاۋىپتى كورمە اشىلدى. مۇندا شىعىس قازاقستاننىڭ ەڭ ۋلى جاندىكتەرى مەن وسىمدىكتەر ەكسپوناتى قويىلعان.

ماسەلەن، بۇل جەردەن ايۋوتى اتتى كوپجىلدىق وسىمدىكتىڭ كەپتىرىلگەن ءتۇرىن كورۋگە بولادى. بوتانيكتەردىڭ ايتۋىنشا، اتالعان وسىمدىككە جاناسۋدىڭ ءوزى ولىمگە اكەلۋى مۇمكىن. ايتا كەتۋ كەرەك، ايۋوتى بۇل ولكەدە ءتىپتى ءجيى كەزدەسەدى ەكەن.

سونداي-اق كورمەدەن ۋلى ورمەكشى- شاياندارمەن قاتار قاۋىپتى قوڭىزدار مەن كوبەلەكتەردىڭ ءتۇر-ءتۇرىن كەزدەستىرۋگە بولادى.

ەلەنا زينچەنكو، كورمە ۇيىمداستىرۋشىسى:

- بۇل توپتاما ءتىپتى وتكەن عاسىردان بەرى جيناقتالىپ كەلەدى دەسەم بولادى. مۇراجايدا 3500 گەرباري جانە 2700 دەن استام جاندىك ەكسپوناتى ساقتاۋلى. ءبىز سونىڭ ىشىندەگى ەڭ قىزىقتى، ەڭ تارتىمدىسىن تاڭداپ، جارىققا شىعارىپ وتىرمىز.

www.24.kz