قازاقستان حالىقارالىق جەكە قۇقىق بويىنشا گااگا كونفەرەنسياسىنا قوسىلۋعا نيەتتى
«مەملەكەت باسشىسىنىڭ «ستراتەگيا - 2050» قازاقستان حالقىنا جولداۋىنداعى تاپسىرماسىن جۇزەگە اسىرۋ تۇرعىسىندا، ياعني شەت ەلدەردە ەلىمىز ازاماتتارىنىڭ قۇقىقتارىن، ولاردىڭ وتباسىلىق، ىسكەرلىك مۇددەلەرىن قورعاۋدى قامتاماسىز ەتۋ اياسىندا مينيسترلىك ءتيىستى كوپجاقتى كونۆەنسيالارعا قوسىلۋ بويىنشا ءبىرقاتار شارالاردى اتقاردى. سونىمەن قاتار، حالىقارالىق جەكە قۇقىق بويىنشا گااگا كونفەرەنسياسىنا قوسىلۋ ماسەلەسى قاراستىرىلدى. ونىڭ قىزمەتى حالىقارالىق جەكە قۇقىق پەن حالىقارالىق ازاماتتىق پروتسەستىڭ نورمالارىن ۇيلەستىرۋگە نەگىزدەلگەن»، - دەپ اتاپ وتىلگەن مينيسترلىك مالىمەتىندە.
ايتا كەتەيىك، بۇگىندە گااگا كونفەرەنتسياسىنا 79 مەملەكەت پەن ەۋروپالىق وداق قاتىسۋشى ەلدەر بولىپ سانالادى.
«قازاقستاننىڭ گااگا كونفەرەنسياسىنا مۇشەلىگىنىڭ نەگىزگى ەرەكشەلىگى - جالپى ءارى امبەبەپ ءتارتىپ ارقىلى ازاماتتارعا قۇقىقتىق كومەك كورسەتۋ مۇمكىندىگى مەن گەوگرافيالىق قامتۋ. سونداي-اق، اتالعان كونفەرەنتسياعا مۇشەلىك الەمدىك ستاندارتتاردى ەسكەرە وتىرىپ، قازاقستاننىڭ قۇقىقتىق جۇيەسىن ارى قاراي دامىتۋعا، شەت ەلدەردە قازاقستاندىقتاردىڭ قۇقىقىعى مەن مۇددەلەرىن ءتيىمدى قورعاۋعا ىقپال ەتەدى»، - دەپ پايىمدايدى ق ر ادىلەت مينيسترلىگى ماماندارى.
اۆتور: رۋسلان عابباسوۆ
