زەرتتەۋ: جەڭىس ادامدى وتىرىكشى قىلادى

استانا. قازاقپارات - جارىستىڭ اياقتالۋىنان كەيىن جەڭىمپازدار جەڭىلگەندەرگە قاراعاندا ارام ارەكەت جاسايدى.

مۇنداي قورىتىندىنى بەن- گۋريون ۋنيۆەرسيتەتىنىڭ زەرتتەۋشىلەرى جاساعان. ماماندار يزرايلدىك ستۋدەنتتەردىڭ قاتىسۋىمەن 5 ەكسپەريمەنتتى وتكىزدى، دەپ حابارلايدى The Hans India.

العاشقى ەكى ەكسپەريمەنت ادامنىڭ بايقاۋدا جەڭۋى ونىڭ بايقاۋمەن بايلانىستى ەمەس كەلەسى تاپسىرمالاردىڭ بارىسىندا باسقا ەرىكتىلەردىڭ اقشاسىن ۇرلايتىنىنىڭ مۇمكىندىگىن ارتتىردى. جارىستان كەيىن جۇرگىزىلگەن سۇراۋ مالىمەتتەرىنشە، جەڭىسكە جەتكەن قاتىسۋشىلار وزدەرىن باسقالارعا قاراعاندا جوعارى سەزىنگەن.

- باسقالاردى الداۋعا قورىقپاعانى سوندىقتان بولار، - دەيدى عالىمدار.

زەرتتەۋشىلەردىڭ تاعى بايقاعانى: قاتىسۋشىلاردىڭ ادەپسىز ارەكەتى تابىسپەن ەمەس، ءدال جەڭىسكە بايلانىستى. ايتا كەتەيىك، جارىستان كەيىن جۇرگىزىلگەن باسقا زەرتتەۋدىڭ مالىمەتتەرىنە سايكەس، ءوز ينتۋيتسياسىنا(ىشكى تۇيسىگىنە) سەنەتىن ادامدار بولجامدارىن ەسكەرمەيتىندەرمەن سالىستىرعاندا وزدەرىن قۇلىقسىز ۇستايدى. بۇدان باسقا، ءوز قىلىعىن ەسىنە تۇسىرگەندە، ينتۋيتسياسىنا سۇيەنەتىن ادام قايتا الداماۋى مۇمكىن.