ءال-فارابي اتىنداعى قاز ۇ ۋ ستۋدەنتتەرى تۇركسوي شاكىرتاقىسىن الدى

استانا. قازاقپارات - ءال-فارابي اتىنداعى قازاق ۇلتتىق ۋنيۆەرسيتەتى شىعىستانۋ فاكۋلتەتى تۇركسوي كافەدراسىنىڭ ستۋدەنتتەرى حالىقارالىق تۇركى مادەنيەتى ۇيمىنىڭ شاكىرتاقىسىن الدى.

قاز ۇ ۋ رەكتورى ع. م. مۇتانوۆ پەن تۇركيا رەسپۋبليكاسى، انكارا قالاسى حالىقارالىق تۇركى مادەنيەتى ۇيىمى (تۇركسوي) قارجىلىق ءبولىمىنىڭ باسشىسى سانجار مۋلازىمۇعلى تۇركسوي كافەدراسىنىڭ ستۋدەنتتەرىن ىنتالاندىرۋ جانە الەۋمەتتىك تۇرعىدان قولداۋ ماقساتىندا 100000 ء(جۇز مىڭ) تەڭگە كولەمىندە بىررەتتىك شاكىرتاقى تابىستادى.

100000 (ءجۇز مىڭ) تەڭگە كولەمىندە بىررەتتىك شاكىرتاقىعا يە بولعان ستۋدەنتتەر ءتىزىمى: نۇركەيەۆا مەرۋەرت ەرلان قىزى، 2-كۋرس؛ مىرزاحمەت بالجان دۋلات قىزى، 2-كۋرس؛ كۇزەنبايەۆا ايىم قۋانىش قىزى، 2-كۋرس؛ قۋاندىق نۇرگۇل قۋاندىق قىزى، 3-كۋرس؛ توقپۋلاتوۆ داۆلەت مولدابەك ۇلى، 3-كۋرس؛ الي گۋلبانۋ، 3-كۋرس؛ يماشيەۆا زۋلفيرا، 3-كۋرس؛ ايۋپوۆا ديليارام شامشيدين قىزى، 3-كۋرس.

شاكىرتاقى سەرتيفيكاتتارىن GPA كورسەتكىشتەرى جوعارى، وقۋ وزاتتارى مەن بىرنەشە تۇركى تىلدەرىن مەڭگەرگەن، كافەدرانىڭ قوعامدىق جۇمىستارىنا بەلسەنە اتسالىساتىن ستۋدەنتتەر الدى.

شاكىرتاقىنى سالتاناتتى تابىستاۋ راسىمىنە تۇركيا رەسپۋبليكاسى، انكارا قالاسى حالىقارالىق تۇركى مادەنيەتى ۇيىمىنىڭ (تۇركسوي) وكىلى، قارجىلىق ءبولىمىنىڭ باسشىسى سانجار مۋلازىمۇعلى ارنايى كەلدى.

سالتاناتتى ءراسىم ەستەلىك سۋرەتكە تۇسۋمەن قورىتىندىلاندى.