زەرتتەۋشىلەر ادامداردىڭ قانداي كەزدە وزدەرىن باقىتسىز سەزىنەتىنىن ايتتى

استانا. قازاقپارات - سۋسسەكس ۋنيۆەرسيتەتىنىڭ جانە لوندونس ەكونوميكا مەكتەبىنىڭ زەرتتەۋشىلەرى ارنايى قوسىمشانى پايدالانىپ، ميلليوننان استام ادامعا ساۋالناما جۇرگىزگەن.

ول پايدالانۋشىلاردان قاي جەردە، نە ىستەگەندە ءوزىن قالاي سەزىنگەنىن سۇراعان. ەرىكتىلەرگە سۇراق تاۋلىكتىڭ ءار ۋاقىتىندا بەرىلگەن. كەيبىرى قوسىمشانى 2010 -جىلدان باستاپ قولدانعان.

 عالىمدار قاتىسۋشىلاردا قىزمەتتىڭ باسقا تۇرلەرىمەن سالىستىرعاندا، جۇمىستا بولعان كەزدە باقىت دەڭگەيى 7-8 پايىزعا تومەندەگەنىن انىقتادى. مامانداردىڭ پىكىرىنشە، قوسىمشانىڭ ەرەكشەلىگى سۇراقتى كۇتپەگەن جەردەن قوياتىنىندا. مىسالى، كوپشىلىگى جۇمىستارىن جاقسى كورەتىنىن ايتادى. ال ءىس جۇزىندە ادامداردىڭ باسىم بولىگى جۇمىستان باسقا نەمەن اينالىسسا دا، وزدەرىن باقىتتى سەزىنگەن.

ەرىكتىلەر دەمالىس، تەاترعا، مۇراجايعا بارۋ، سپورتپەن اينالىسۋ كەزىندە ۋاقىت كەرەمەت وتەتىنىن ايتادى، دەپ جازدى Zee News. ەڭ ۇنامايتىنى كەزەككە تۇرۋ بولىپ شىقتى.