07:49, 07 - اقپان 2016 | GMT +5
قاراعاندىدا تۇيەقۇستى گيننەستىڭ رەكوردتار كىتابىنا كىرگىزبەك - كەسكىن
استانا. قازاقپارات - قاراعاندىنىڭ حايۋاناتتار باعىندا باپتالاتىن لادا ەسىمدى تۇيەقۇس گيننەستىڭ رەكوردتار كىتابىنا كىرۋى مۇمكىن، دەپ جازادى 24.kz.
ەمۋ تۇقىمداس اۆستراليالىق قۇس بيىل 30 جاسقا تولادى ەكەن. قازىر زووباقتىڭ قىزمەتكەرلەرى رەكوردتى تىركەۋ ءۇشىن ءتيىستى قۇجاتتاردى دايىنداپ جاتىر. بۇل قۇس قاراعاندىعا 1986 -جىلى روستوۆ- نا- دونۋ قالاسىنان اكەلىنگەن. ادەتتە تۇيەقۇستاردىڭ جاسى 20 دان اسپايدى. ماماندار انالىق قۇستىڭ كوپ جىل ءومىر ءسۇرۋىن وسى كۇنگە دەيىن بالاپان باسپاعاندىعىمەن بايلانىستىرىپ وتىر.
«دالادا جۇرەتىن وسى تۇقىمداس قۇستار - 20، ال قاماۋداعىسى 5 تەن 10 جىلعا دەيىن ءومىر سۇرە الادى ەكەن. سوندىقتان ءبىز بۇل ەرەكشە قۇبىلىستى رەكورد دەپ، قۇجاتپەن بەكىتىپ الماقپىز. كۇن جىلىنعاندا لادانىڭ تۋعان كۇنىن اتاپ ءوتىپ، گيننەس كىتابىنىڭ وكىلدەرىن قوناققا شاقىرامىز»، - دەيدى حايۋاناتتار باعىنىڭ ورنيتولوگى سۆەتلانا پيليۋك.
