بولاشاق اسكەري قىزمەتشىلەردى تاريح ارقىلى تاربيەلەيدى - فوتو

استانا. قازاقپارات - اسكەري- پاتريوتتىق تاربيە بەرۋ - جوعارى پاتريوتتىق سانا- سەزىم، وتانىنا دەگەن ادالدىق سەزىمى، وتانىمىزدىڭ مۇددەسىن قورعاۋ جونىندەگى ازاماتتىق بورىشتى، ماڭىزدى كونستيتۋتسيالىق مىندەتتى ورىنداۋعا ءازىر بولۋدىڭ نەگىزى.

بولاشاق قازاقستاندىق اسكەري قىزمەتشىلەر - اسكەري- پاتريوتتىق كلۋبتاردىڭ تاربيەلەنۋشىلەرى، سپورتتىڭ اسكەري- قولدانبالى تۇرلەرى بويىنشا سايىس جەڭىمپازدارى، سونداي- اق رەسپۋبليكالىق اسكەري- مەكتەپ ينتەرناتتارىنىڭ تاربيەلەنۋشىلەرى، جوعارى وقۋ ورىندارى اسكەري كافەدرالارىنىڭ ستۋدەنتتەرى.

بارلىق وڭىرلەردە، قالالاردا جاستارىمىزدىڭ ءبىلىم الۋى، سپورتپەن شۇعىلدانۋى جانە ءوز وتانىنىڭ لايىقتى ازاماتىنىڭ بارلىق قاسيەتتەرى بولۋى ءۇشىن قولايلى جاعدايلار جاسالۋدا. ماڭىزدى قۇرامداسى ءوز ومىرلەرىن بەيبىت ءومىرىمىز ءۇشىن جان كەشكەن باتىرلار تۋرالى اڭگىمەلەر، ءپاتريوتيزمنىڭ ناعىز مەكتەبى تۋرالى بۇكپەسىز ايتىپ بەرەتىن سوعىس ارداگەرلەرىمەن كەزدەسۋ بولىپ تابىلادى.

سونىمەن، الماتىدا اسكەري گوسپيتالدىڭ كلۋبىندا قۇرلىق اسكەرلەرى اسكەري ينستيتۋتىنىڭ 300 گە جۋىق كۋرسانتى «قازاق دالاسىنىڭ باتىرلارى» دەرەكتى ءفيلمىن تاماشالادى جانە ولارعا ماسكەۋدى قورعاۋ كەزىندە ۇلى وتان سوعىسىنىڭ قازاق باتىرلارىنىڭ ەرلىكتەرى تۋرالى ايتىپ بەردى. بۇل تۋرالى  ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.

«سىزدەردىڭ اسىل ماقساتتارىڭىز - ول وتان قورعاۋ. سوعىسپايسىزدار دەپ ۇمىتتەنەمىن. الايدا، ول بولىپ جاتسا، مىقتى قورعانىمىز بار ەكەنىن بىلەمىز»، - دەدى كەڭەس وداعىنىڭ باتىرى گەنەرال- مايور يۆان پانفيلوۆتىڭ نەمەرەسى الۋا بايقاداموۆا. الماتى قالاسىنىڭ قورعانىس ىستەرى جونىندەگى دەپارتامەنتى ۇيىمداستىرعان ءىس- شاراعا گەنەرالدار كەڭەسىنىڭ وكىلدەرى، اۋعان سوعىسىنىڭ ارداگەرلەرى كەلدى.

ول «ناس ميلليونى پانفيلوۆسەۆ» اتتى حالىقارالىق ەسكە الۋ ۆاحتاسىنىڭ اكسياسى شەڭبەرىندە ءوتتى. . سونىمەن قاتار استانادا ق ر ق ك ۇلتتىق اسكەري- پاتريوتتىق ورتالىعىنىڭ كينوكونسەرت زالىندا «جاس ۇلان» رەسپۋبليكالىق مەكتەبىنىڭ، اسكەري- پاتريوتتىق كلۋبتاردىڭ تاربيەلەنۋشىلەرى، 68665 اسكەري ءبولىمىنىڭ اسكەري قىزمەتشىلەرى، جوعارى وقۋ ورىندارى اسكەري كافەدرالارانىڭ ستۋدەنتتەرى، ياعني، بارلىعى 300 دەن استام ادامعا «ستالينگراد ءۇشىن شايقاس» دەرەكتى فيلمى كورسەتىلدى. كارتينا ستالينگرادتىق ايقاس تۋرالى عىلىمدا بار بارلىق ايگىلى دەرەكتەردى، اسكەري تاريحتا وسى ۋاقىتقا دەيىن بالامالارى جوق ەكىنشى دۇنيەجۇزىلىك سوعىستىڭ شايقاسى تۋرالى سىر شەرتەدى.