ك. ءماسىموۆ تۇركيا پرەمەر-ءمينيسترى احمەت داۋىتوعلىمەن كەزدەستى
«قۇرمەتتى پرەمەر-مينيستر، ءسىزدى قازاقستان جەرىندە قارسى العانىما قۋانىشتىمىن. ءبىزدىڭ مەملەكەتتەرىمىز اراسىنداعى ەكىجاقتى قارىم-قاتىناستىڭ جوعارى دەڭگەيدە ەكەندىگى، سونىمەن قاتار، ءسىزدىڭ تۇركيا ۇكىمەتىنىڭ باسشىسى رەتىندە قازاقستانعا ءبىرىنشى رەت كەلۋىڭىز قۋانتىپ وتىر.
بۇعان دەيىن ءسىز سىرتقى ىستەر ءمينيسترى رەتىندە بىرنەشە رەت قازاقستاندا بولدىڭىز ءارى ءبىزدىڭ ەلىمىز تۋرالى جاقسى بىلەسىز. ءسوزسىز، بۇل ءبىزدىڭ ەكىجاقتى قاتىناستارىمىزدى ودان ءارى جاقسارتا تۇسۋگە سەپتىگىن تيگىزەدى. قازىر ءبىز سىزبەن شاعىن قۇرامدا ەكىجاقتى قاتىناستار، سونىمەن قاتار ايماقتىق، حالىقارالىق بايلانىستار ماسەلەسىندە پىكىر الىستىق. الدا ءسىزدى پرەزيدەنتىمىزبەن جانە ەكى ەلدىڭ كاسىپكەرلەرىمەن كەزدەسۋ كۇتىپ تۇر»، - دەدى كارىم ءماسمىوۆ.
ا. ءداۋىتوعلى بۇل جەردى اتامەكەنى سانايتىندىقتان، قازاقستاندى ءوزىنىڭ دە وتانى دەپ ەسەپتەيتىنىن ايتتى.
«ەندى پرەمەر-مينيستر لاۋازىمىندا مەن ءوزىمنىڭ ەكىنشى وتانىما ءجيى كەلىپ تۇرامىن دەپ ۇمىتتەنەمىن، ويتكەنى قازاقستان - ەۋرازيا قۇرلىعىنىڭ گەوگرافيالىق ورتالىعى. ءبىز ءۇشىن قازاقستان - جاقىن كورشى ءارى جاقسى دوس. قازاقستان تاۋەلسىزدىك العالى ەكى ەل اراسىنداعى قارىم-قاتىناس ەڭ جوعارى دەڭگەيدە دامىپ كەلەدى. ونى قازاقستان رەسپۋبليكاسىنىڭ پرەزيدەنتى نازاربايەۆ مىرزا دا قولداپ وتىر، سونىڭ ىشىندە ەلدەرىمىز اراسىنداعى ىنتىماقتاستىقتىڭ مۇمكىن بولاتىن بارلىق ماسەلەلەرى قارالىپ جاتىر. ءبىزدىڭ كوماندامىزدى ەكى ەل اراسىنداعى ىنتىماقتاستىقتى ودان ءارى دامىتۋ مۇمكىندىگى قۋانتادى. سىزدەرگە كورسەتكەن ءىلتيپاتتارىڭىز ءۇشىن العىس بىلدىرەمىز»، - دەدى ا. ءداۋىتوعلى.
