قىزىلوردالىق وقۋشى قىز پرەزيدەنتتەن سىيلىق الدى
بىلتىرعى جىلدىڭ جەلتوقسان ايىندا ول پرەزيدەنت نۇرسۇلتان نازاربايەۆقا ارناپ حات جازعان بولاتىن. وندا بىرلىك پەن ىنتىماعى جاراسقان ەلدە ءومىر ءسۇرىپ جاتقانىن ماقتان تۇتىپ، اشىق اسپان استىندا باقىتتى بالالىق شاق سىيلاعان ەلباسىعا العىسىن بىلدىرگەن.
وقۋشى قىز حاتىن: «مەنى انام قالاي جاقسى كورسە، ءسىز دە استانانى سولاي جاقسى كورەسىز. ءسىز مەملەكەتىمىزگە ادال قىزمەت كورسەتەسىز، سوندىقتان ءسىزدى الەم سىيلايدى. مەن دە وسكەندە حالىققا پايدامدى تيگىزگىم كەلەدى»، - دەپ اياقتاپتى.
حاتتى پوشتامەن جىبەرگەننەن كەيىن بىرنەشە اپتادان سوڭ ق ر پرەزيدەنتى كەڭسەسىنىڭ باستىعى ماحمۇد قاسىمبەكوۆتىڭ قولى قويىلعان جاۋاپ حات كەلەدى.
وندا ايليناعا مەملەكەت باسشىسى نۇرسۇلتان ءابىش ۇلى «ساباقتى ۇزدىك وقى، ەڭبەكقور بولىپ ءوس. الدىڭا قويعان ماقساتىڭا تاباندىلىقپەن جەتىپ، ەلىڭە پايدالى ازاماتشا بول»، - دەپ تىلەك بىلدىرگەنى جەتكىزىلگەن.
حاتپەن بىرگە ەلباسىنىڭ ءومىرى مەن ەڭبەك جولى تۋرالى جازىلعان «ءبىزدىڭ پرەزيدەنت» دەرەكتى پوۆەسى سىيلىققا بەرىلگەن.
اۆتور: ەلجان ەرالى
