قازاقستاندىق ءتورت بوكسشى يشتۆان بوسكاي مەموريالىنىڭ فينالىنا شىقتى - فوتو

استانا. قازاقپارات - ۆەنگريانىڭ دەبرەتسەنە قالاسىندا بوكستان يشتۆان بوسكايدى ەسكە تۇسىرۋگە ارنالعان تۋرنير وتۋدە.

بۇل 1956-جىلى العاش رەت ۇيىمداستىرىلىپ، ەۋروپاداعى بايىرعى ەڭ بەدەلدى قۇرلىقتىق جارىستاردىڭ بىرىنە اينالدى.

تۋرنيرگە 29 ەلدەن 168 بوكسشى قاتىسۋدا، ولاردىڭ اراسىندا ەكى الەم چەمپيونى جانە جەتى ەۋروپا چەمپيونى بار.

قازاقستاندىق كوماندا كۇشتىلەردىڭ ءبىرى؛ شيرەك فينال ساتىسىندا ءبىزدىڭ ءبىر عانا بوكسشىمىز - ءابىلحان امانقۇل (75) عانا ويىننان شىعىپ قالدى.

5- اقپاندا جارتىلاي فينالدىق سايىستاردا ايقىنباي شالقار (49) تۇرىك سپورتشىسى وستۇرىك تولگاحاندى، ءىلياس سۇلەيمەنوۆ (52) ۆەنگر ناندور چوكتى جەڭدى، ال ابىلايحان ءجۇسىپوۆ (64) كانادالىق موۆلادين بيارسلانوۆتان باسىم ءتۇستى. ءتورتىنشى بولىپ فينالعا ءالي احمەدوۆ (81) شىقتى - ول گرۋزيادان كيزيريا يانگونى 3:0 ەسەبىمەن ۇتتى. بۇل تۋرالى قازاقستاندىق بوكس فەدەراتسياسى حابارلادى.

ءسويتىپ قازاقستان كۇشتى كوماندالار قاتارىنان ورىن الىپ، ءتورت مەدالعا ۇمىتكەر بولىپ وتىر، ەندى مەدالداردىڭ التىن نە كۇمىس بولارى 7- اقپاندا وتەتىن فينالدان كەيىن انىقتالادى.