يران مۇنايدى دوللارعا ساتۋدان باس تارتتى
ونىڭ ايتۋىنشا، اڭگىمە فرانسۋزدىڭ Total، يسپاندىق Cepsa مۇناي-حيميا كورپوراتسياسىمەن جانە لۋكويلدىڭ ترەيدينگتىك بولىمشەسى - Litasco كومپانياسىمەن كەلىسىمدەر جونىندە بولىپ وتىر.
«ءبىز ءوزىمىزدىڭ ەسەپتەمەلەرىمىزگە مۇنايىمىزدى ساتىپ الۋشىلاردىڭ جەتكىزىلىم ساتىندەگى دوللاردىڭ ايىرباس باعامىمەن ەۋرومەن تولەۋگە تۋرا كەلەتىن پۋنكتتى ەنگىزەمىز»، - دەدى اگەنتتىك سۇحباتتاسۋشىسى.
Reuters لۋكويل مەن Total تۇسىندىرمە بەرۋدەن باس تارتقانىن، ال Cepsa تۇسىندىرمە تۋرالى ساۋالعا جاۋاپ بەرمەگەنىن اتاپ وتەدى.
يران سونداي-اق ءوزىنىڭ ارىپتەستەرىنە وعان تيەسىلى ميللياردتاعان دوللاردى امەريكاندىق ۆاليۋتامەن ەمەس، ەۋرومەن العىسى كەلەتىنىن ايتتى.
اگەنتتىك سۇحباتتاسۋشىسى ەل سانكسيا جاعدايىندا بولعان كەزدە يراننىڭ ورتالىق بانكى شەتەلدىك ەسەپ-قيساپتى ەۋرومەن جۇرگىزۋ تۋرالى شەشىم قابىلداعانىن ايتتى. دەرەككوز دوللاردان باس تارتۋ ساياسي سەبەپتەرگە بايلانىستى ەكەنىن ءتۇسىندىردى.
يرانعا بۇرىن امەريكاندىق سانكسيالار ناتيجەسىندە جابىلعان اكتيۆتەردىڭ ءبىر بولىگىن پايدالانۋعا رۇقسات بەرىلگەن. اڭگىمە دوللارداعى ەمەس، باسقا ۆاليۋتالارداعى، ومان ريالىنداعى جانە ب ا ءا ديرحامىنداعى قاراجاتتار جونىندە بولىپ وتىرعانىن اتاپ وتەدى Reuters. ۆاشينگتون جابىلعان اكتيۆتەردىڭ جالپى سوماسىن 100 ميلليارد دوللارعا (89,2 ميلليارد ەۋرو) باعالاپ وتىر، تەگەران سانكسيا الىنىپ تاستالعاننان كەيىن شامامەن جارتىسىن الۋعا قول جەتكىزدى.
يران كوپ جىلداردان بەرى مۇناي ساۋداسىندا حالىقارالىق ەسەپ ايىرىسۋلاردا دوللاردىڭ ورنىنا ەۋرونى پايدالانۋدى جاقتاپ كەلەدى. 2007-جىلى تەگەران وپەك بويىنشا ارىپتەستەرىن دوللاردان باس تارتۋعا كوندىرۋگە تىرىستى، سول كەزدەگى يران پرەزيدەنتى ماحمۇد احمادينەجاد دوللاردى «پايداسىز قاعازدار» دەپ اتادى.
