اكتەر دارعا اسۋ ساحنالىق كورىنىسىنەن كەيىن ەسىنەن ايىرىلىپ، كوز جۇمدى

استانا. قازاقپارات - يتالياندىق اكتەر رافاەل شۋماحەر «ساعىم» سپەكتاكلىندەگى دارعا اسۋ كورىنىسىنەن كەيىن ەسىنەن ايىرىلىپ، كوز جۇمدى، دەپ حابارلادى گازەتا. رۋ «BBC» باسىلىمىنا سىلتەمە جاساپ.

بۇل وقيعا پيزەدەگى Lux تەاترىندا بولدى. كورەرمەندەردىڭ ءبىرى جاعدايدى بايقاپ قالىپ، كومەككە ۇمتىلدى، 27 جاستاعى شۋمحەر اۋرۋحاناعا جەتكىزىلدى.

اكتەردىڭ جاعدايى بارعان سايىن اۋىرلاپ، ەمدەۋگە مۇمكىندىك بەرمەدى، دارىگەرلەر پاتسيەنتتىڭ ميىنا زاقىم كەلگەن دەگەن قورىتىندىعا كەلدى.

تۋىستارى مەن جەرگىلىكتى پروكۋراتۋرا وكىلدەرى ءارتىستىڭ ورگاندارىن دونورلىققا الۋدى ماقۇلدادى. اكتەردىڭ اناسى مەن دوستارى ونىڭ ءوزىن-ءوزى ءولتىرۋىن جوققا شىعارادى.

قازىرگى كەزدە قۇقىق قورعاۋ ورگاندارى وقيعا بولعان تەاترداعى تەحنيكا قاۋىپسىزدىگى ەرەجەلەرىنىڭ ساقتالۋىن تەكسەرۋدە.