اس ازىرلەي بىلمەگەن زايىبىن سوتقا بەردى

استانا. قازاقپارات - يتالياندىق ازامات زايىبىن تاماقتى ناشار دايىنداپ، ءۇيدى ءجوندى جيناي الماعانى ءۇشىن كىنالادى، دەپ حابارلايدى The Local.

ەگەر ونىڭ كىناسى دالەلدەنسە، يتالياندىق سوننينو كوممۋناسىنىڭ 40 جاستاعى ءۇي شارۋاسىنداعى ايەل التى جىلعا سوتتالۋى مۇمكىن. زايىبىنان 7 جاس ۇلكەن بولعان ونىڭ كۇيەۋى ەكى جىلدان استام ۋاقىت بويى ايەلىنەن زارداپ شەگىپ وتىرعانىن ايتتى. ول انتيسانيتاريالىق جاعدايدا تۇرۋعا، ايەلىنەن ۇنەمى ءسوز ەستۋگە ءماجبۇر بولىپ وتىر، دەپ جازادى باسىلىم.

2013 -جىلى جۇرگىزىلگەن سۇراۋ مالىمەتتەرى بويىنشا، اپتا سايىن يتالياندىق ايەلدەر ءۇي شارۋاسىنا كۇيەۋلەرىنە قاراعاندا 21 ساعات كوپ ۋاقىت بولەدى. بۇل دامىعان ەلدەردىڭ وكىلدەرىنىڭ اراسىندا جۇرگىزىلگەن سۇراۋ قورىتىندىلارى بويىنشا تىركەلگەن ەڭ ۇلكەن ايىرماشىلىق، دەپ حابارلايدى The Washington Post.