مەملەكەتتىك ەمتيحان تاپسىرۋعا كەتكەن بالا «سوعىسقا اتتانعانداي» بولماۋى كەرەك - د. نازاربايەۆا - فوتو

استانا. قازاقپارات - بۇگىن ءبىلىم جانە عىلىم مينيسترلىگىنىڭ كەڭەيتىلگەن القا وتىرىسىنا قاتىسقان ق ر پرەمەر-ءمينيسترىنىڭ ورىنباسارى داريعا نازاربايەۆا ۇلتتىق ءبىرىڭعاي تەستىلەۋ جۇيەسىن ءالى دە جەتىلدىرە ءتۇسۋ كەرەك دەگەن پىكىر ءبىلدىردى.

 «ۇلتتىق ءبىرىڭعاي تەستىلەۋ توڭىرەگىندە داۋلى ماسەلە كوپ. جالپى، ۇلتتىق ءبىرىڭعاي تەستىلەۋدىڭ يدەياسى جاقسى. وسى سالاداعى جەمقورلىقتى ازايتتى. مينيسترلىك پەن ۇكىمەت مەكتەپتەردەگى ءبىلىم ساپاسى تۋرالى تولىق اقپارات الاتىن بولدى. ءبىراق، ۇ ب ت ءبىلىم ساپاسىن تولىق اشاتىن تەتىك دەپ ايتا المايمىز. مەكتەپتىڭ رەيتينگىسىن باعالايتىن وزگە دە ءبىرقاتار كورسەتكىشتەر بار»، - دەگەن پرەمەر- ءمينيستردىڭ ورىنباسارى ۇ ب ت- نىڭ تاعى ءبىر الاڭداتارلىق تۇسىنا توقتالدى.

«ۇلتتىق ءبىرىڭعاي تەستىلەۋ اتا- انا ءۇشىن دە، بالا ءۇشىن دە كادىمگى مورالدىك- پسيحولوگيالىق ماسەلەگە اينالدى. ۇلتتىق ءبىرىڭعاي تەست تاپسىرۋعا كەتكەن بالا «سوعىسقا اتتانعانداي» بولماۋى كەرەك. وزدەرىڭىز بىلەتىن ءارتىس تۇرسىنبەك وسى ماسەلەنى ازىلمەن كورسەتكەن. مينيسترلىكپەن وسى ماسەلەگە قاتىستى جۇمىس جۇرگىزىپ جاتىرمىز. ۇلتتىق ءبىرىڭعاي تەستىلەۋ تالانتتى بالانىڭ ساعىن سىندىرماۋى، ونىڭ جولىن جاپپاۋى كەرەك. بۇل جۇيەنى بارىنشا «جۇمساق»، بارىنشا ىڭعايلى ەتكىزگىم كەلەدى. بۇل جونىندە قوسىمشا حابارلايمىز»، - دەدى د. نازاربايەۆا.

 

 

 

اۆتور: كەنجەكەي توقتامۇرات قىزى