ماسكەۋ ماڭىندا ەرەگىسكەن ايەل ونەركاسىپتىك ءالپينيستىڭ ارقانىن كەسىپ جىبەرگەن

استانا. قازاقپارات - لەنين اۋدانىنىڭ تۇرعىنى ولتىرمەكشى بولعان ونەركاسىپتىك ءالپينيستى تەك دەر كەزىندە ارەكەت ەتكەن سەرىكتەسى قۇتقارىپ قالدى.

تەرگەۋشىلەر عيماراتتىڭ قاسبەتىندە جوندەۋ جۇمىستارىن جۇرگىزىپ جاتقان ەر ادام ءىلىنىپ تۇرعان ارقاندى 49 جاستاعى ايەلدىڭ كەسىپ جىبەرگەنىن انىقتاعان.

ولاردىڭ اراسىنداعى جانجال جوندەۋشىلەردىڭ تەلەۆيزيا انتەنناسىن زاقىمداعاننان كەيىن باستالعان. ليۋدميلا ف. 27 جاستاعى الپينيسكە تومەنگە ءتۇسۋدى تالاپ ەتكەن. ول جۇمىسشىعا «ءىلىنىپ تۇرعان ارقانىڭدى كەسىپ جىبەرەمىن» دەگەن.

وسى ۋاقىتتا جانىنداعى جۇمىسكەر ارىپتەسىنە قوسىمشا ساقتاندىرۋ كابەلىن بەكىتكەن. ايەل ءبىرازدان كەيىن اس بولمەنىڭ تەرەزەسىن اشىپ، پىشاقپەن ارقاندى كەسىپ جىبەرگەن.

ارقان ۇزىلگەندە الپينيست سەگىزىنشى قاباتتان تومەن قاراي قۇلاعان. تەك ەكىنشى مەن ءبىرىنشى قابات اراسىندا عانا ساقتاندىرۋ كابىلىنىڭ ارقاسىندا توقتاپ، امان قالعان.

- ايەل ۇستالدى. تەرگەۋ امالدارى جۇرگىزىلۋدە. كۇدىكتىگە قاتىستى بۇلتارتپاۋ شارالارى قابىلدانادى، - دەدى رەسەيدىڭ تەرگەۋ باسقارماسىنىڭ باسپا ءسوز قىزمەتى.