شىعىس قازاقستان كاسىپكەرلەرى اعاش ۇگىندىلەرىنەن وتىن دايىنداۋدى قولعا الدى
ءونىمنىڭ بۇل ءتۇرىن شىعارۋ ەكونوميكالىق ءارى ەكولوگيالىق تۇرعىدا وتە ءتيىمدى. ءارى ەۋروپا ەلدەرىندە ۇلكەن سۇرانىسقا يە. الەكساندر كاتايەۆ - اعاش وڭدەۋمەن تالاي جىلدان بەرى اينالىسىپ كەلە جاتقان ونەرتاپقىش كاسىپكەر. بريكەتتەن وتىن شىعاراتىن قۇرىلعىنى دا ءوزى ويلاپ تاپقان. قاراپايىم عانا سۋ قۇبىرىنان اعاش ۇگىندىسىن كەپتىرەتىن پەش جاساعان. وسى پەشتە كەپتىرىلگەن اعاش ۇگىندىسى قالىپتاۋ قوندىرعىسىنا تۇسەدى. قوندىرعى ءبىر ساعاتتا 200 كەلى بريكەت شىعارادى. دايىن ءونىمدى كوممۋنالدىق سالانىڭ بارلىق تۇرىنە وتىن رەتىندە قولدانۋعا بولادى. ەرەكشەلىگى 100 پايىزعا قالدىقسىز جاناتىندىعىندا. كاسىپكەر بۇل جوبانى جۇزەگە اسىرۋعا 1 ميلليون تەڭگە جۇمساپتى.
«وتىننىڭ بۇل ءتۇرىنىڭ قىزۋ قۋاتى كومىردەن ەش كەم ەمەس. ەڭ باستىسى ەشقانداي كۇل- قالدىق قالمايدى. ەۋروپا ەلدەرىندە ءتىپتى ءىرى كوممۋنالدىق سالادا باياعىدان قولدانادى»، - دەيدى اعاش وڭدەۋشى الەكساندر كاتايەۆ.
