قازاقستاننىڭ عارىشتان تۇسىرىلگەن سۋرەتتەرى جاريالاندى - فوتو
استانا. قازاقپارات - امەريكالىق عارىشكەر سكوت كەلليدىڭ قازاقستاندى عارىشتان تۇسىرگەن سۋرەتتەرى ا ق ش- تاعى ق ر ەلشىلىگىنىڭ Twitter جەلىسىندەگى پاراقشاسىندا جاريالاندى.
سۋرەتتەن قازاقستاننىڭ تاۋلارى مەن استانانىڭ عارىشتان تۇسىرىلگەن بەينەسىن كورۋگە بولادى.
ايتا كەتەيىك، بۇعان دەيىن قازاقستاندىق عارىشكەر ايدىن ايىمبەتوۆ Twitter- دەگى پاراقشاسىندا حالىقارالىق عارىش ستانتسياسىنان تۇسىرىلگەن ەكى ۆيدەونى جاريالاعان بولاتىن. العاشقى ۆيدەودان باتىس ازياداعى قۇمدى داۋىلدى كورۋگە بولادى.
تابيعي قۇبىلىس ەكى راكۋرستان تۇسىرىلگەن. ۆيدەوداعى 9- قىركۇيەكتە ليۆان مەن سيرياداعى بولعان داۋىل بولۋى مۇمكىن. ايتا كەتەيىك، داۋىل ەكى ادامنىڭ ءومىرىن قيعان بولاتىن. سونىمەن قاتار، ايىمبەتوۆ ح ع س- نىڭ جەرمەن سالىستىرعاندا ۇلكەن جىلدامدىقپەن ۇشىپ بارا جاتقانى بەينەلەنگەن قىسقا روليكتى دە جۇكتەدى.
