سۇيىكتى ءانىن ۇيىپ تىڭداعان نازاربايەۆ ءانشىنىڭ سوزدەن جاڭىلىسقانىن بايقاپ قالدى - كەسكىن

استانا. قازاقپارات - شىمكەنتتە Rixos Khadisha بەس جۇلدىزدى قوناق ءۇيىنىڭ اشىلۋ سالتاناتىندا نۇرسۇلتان نازاربايەۆ ءوزىنىڭ سۇيىكتى ءانىن ورىنداعان ءارتىستىڭ ءمۇلت كەتكەنىن بايقاپ قالدى.

ءداستۇرلى ونەر وكىلى، ءانشى دوسحان ودامان پرەزيدەنتتىڭ الدىندا قازاقتىڭ اتاقتى سەرىسى ءيمانجۇسىپتىڭ ءانىن ورىنداعان بولاتىن.

«نەشە قاتىن تاپسا دا بالالارى، ءبارىبىر بولا المايدى ءيمانجۇسىپ» دەپ كەلەتىن ولەڭ شۋماعىن ءداستۇرلى ءانشى ەلباسى ورىنداعان نۇسقامەن ايتتى.

ءاندى ۇيىپ تىڭداعان نازاربايەۆ ونەرپاز جىگىتتىڭ ءمۇلت كەتكەن جەرىن ءوزى تۇزەپ، ءاننىڭ ءتۇپ نۇسقاسى «بار قاتىنى قىپشاقتىڭ ۇل تاپسا دا، ءبارىبىر بولا المايدى ءيمانجۇسىپ» دەپ ايتىلاتىنىن ەسكەرتتى.

كوپشىلىكتىڭ ىقىلاسىنا بولەنگەن وسى انگە تۇسىرىلگەن بەينەبايان جاقىندا كورەرمەنگە جول تارتتى. جاڭا تۋىندىدا قازاقتىڭ كەڭ دالاسى، سال-سەرىلىك ءومىر، ءيمانجۇسىپتىڭ قيلى تاعدىرى بەينەلەنىپ، ۇلتتىق ونەردىڭ ايشىقتى كورىنىستەرى اسەم سۋرەتتەلگەن.

nur.kz