تالدىقورعاندا مەكتەپ وقۋشىلارى سارايىنا تەلەسكوپ ورناتىلادى
بۇل تۋرالى وبلىس اكىمى ا. باتالوۆتىڭ جۇمىس بابىمەن ارالاۋ ساپارىندا بەلگىلى بولدى.
ءوڭىر باسشىسى الدىمەن 300 ورىندىق كوپبەيىندى اۋرۋحانا عيماراتى قۇرىلىسىنىڭ بارىسىمەن تانىستى. قازىر قۇرىلىس اياقتالىپ كەلەدى، سوندىقتان دا وبلىس اكىمى ونىڭ ىشكى ارلەۋ، ديزاين جۇمىستارىنا جايناتىلۋىنا جانە اينالاسىنداعى اۋماقتى اباتتاندىرۋعا ەرەكشە كوڭىل ءبولۋدى تاپسىردى. جۇمىستىڭ قازىرگى كەزەڭىندە سۋارۋ ۇيىمداستىرىلعان، جاس شىرشالار وتىرعىزىلعان، كوگال جاسالعان.
وبلىس اكىمى بارلىق جۇمىستار مەرزىمىندە اياقتالۋى قاجەتتىگىن ايرىقشا اتاپ كورسەتتى، ويتكەنى زاماناۋي جابدىقتارمەن جاراقتانعان جاڭا اۋرۋحانا تۇرعىندارعا دەر كەزىندە ساپالى مەديتسينالىق كومەكتى باستاۋى ءتيىس.
بۇدان ءارى ءوڭىر باسشىسى ا. باتالوۆ مەكتەپ وقۋشىلارى سارايىنىڭ قۇرىلىس الاڭىندا بولدى. مۇندا بولاشاقتا بالالارمەن جانە جاسوسپىرىمدەرمەن جۇمىس ۇيىمداستىرىلاتىن بولادى. بۇلار ءارتۇرلى ۇيىرمەلەر، دامۋ ورتالىقتارى، بارلىعى 50 گە تارتا قىزمەت تۇرلەرى بولادى، سوندىقتان دا مۇندا ءاربىر بالا ءوزىنىڭ شىعارماشالىق جاعىنان جەتىلۋ باعىتىن تاڭداي الادى. عيماراتتىڭ باستى ەرەكشەلىگى، مەكتەپ وقۋشىلارى سارايىنىڭ توبەسىنە تەلەسكوپ ورناتىلادى، سونىڭ ارقاسىندا ارنايى زالدا تەلەسكوپقا قوسىلعان ارنايى تەلەديدار ارقىلى ءبىر مەزگىلدە 120 بالا اسپان الەمىندەگى جۇلدىزدار مەن عالامشارلاردى باقىلاي الادى.
سونىمەن بىرگە جاڭا عيماراتتا پلانەتاري، باسسەين، تەاتر قويىلىمدارىن قوياتىن 300 ورىندىق اكت زالى جانە باسقا دا كوپتەگەن بولمەلەر بولماق.
ءوڭىر باسشىسى اتاپ كورسەتكەندەي، بۇل عيماراتتا بالالار مەن جاس ۇرپاقتىڭ بەلسەندى دامۋىنا بارلىق جاعداي جاسالادى، جوسپارلانعان جۇمىستىڭ باستى ماقساتى دا وسى.
