ينۆەستورلار قانداي سالىقتىق جەڭىلدىكتەرگە يە بولادى
بۇل تۋرالى ق ر ينۆەستيتسيالار جانە دامۋ مينيسترلىگى ينۆەستيتسيالار كوميتەتىنىڭ ءتوراعاسى ەرلان حايروۆ حابارلادى.
«ەگەر ينۆەستور 6 باسىمدىقتى سالالارعا قاتىستى بولسا (مەتاللۋرگيا، حيميا، مۇنايحيميا، ماشينا جاساۋ، قۇرىلىس ماتەريالدارى ءوندىرىسى، تاماق ونەركاسىبى) جانە 2 ميلليون ايلىق ەسەپتىك كورسەتكىشتەن (ا ە ك) استام قارجى سالسا - بۇرىن ءبىز بۇل 20 ميلليون دوللارعا جۋىق ەكەنىن ايتقانبىز، قازىر بۇل 12 ميلليون دوللارعا تارتا قارجىنى قۇرايدى، وندا ءبىز 10 جىلعا كورپوراتيۆتىك تابىس سالىعىنان، 10 جىلعا - جەر سالىعىنان، 8 -جىلعا - مۇلىك سالىعىنان بوساتامىز»، - دەدى ە. حايروۆ.
سونداي-اق ينۆەستورعا «قۇرىلىس كەزەڭىنە جانە وعان قوسا ءبىر جىلعا كۆوتادان تىس شەتەلدىك جۇمىس كۇشىن اكەلۋىنە» رۇقسات ەتىلەدى. «ءبىز اكتسيزدەن جانە ق ق س- نان باسقا، سالىق مولشەرلەمەلەرىن تىركەيمىز، ەگەر سىزدە قاندايدا ءبىر مەملەكەتتىك كومپانيامەن نەمەسە مەملەكەتپەن قاندايدا ءبىر ۇزاق مەرزىمدى مەملەكەتتىك تاپسىرىس بويىنشا ۋاعدالاستىق بولسا، ءبىز بۇل شارتتاردى ءبىزدىڭ كەلىسىم شارتتارىمىزدا كورسەتەمىز جانە بۇل مەملەكەتتىڭ مىندەتتەمەسى بولادى»، - دەپ قوستى ە. حايروۆ.
ونىڭ مالىمەتتەرىنشە، قازاقستانداعى قولايلى ينۆەستيتسيالىق احۋال جىل سايىن ەكونوميكانىڭ ءارتۇرلى سالالارىنا كوپتەگەن ميلليونداعان ينۆەستيتسيالاردى تارتۋعا مۇمكىندىك بەرەدى. سوڭعى 10 جىلدىڭ ىشىندە عانا ولار 200 ميلليارد دوللاردان استام قارجىنى قۇرادى.
«تىكەلەي شەتەلدىك ينۆەستيتسيالار تارتۋ بويىنشا جالپى ستاتيستيكانىڭ كورسەتۋىنشە، 10 جىلدا 200 ميلليارد دوللاردان استام قارجىنى قۇرادى. سوڭعى جىلى ءبىز ونىڭ تومەندەپ وتىرعانىن كورىپ وتىرمىز، ءبىراق ونشا ەلەۋلى ەمەس. وڭدەۋ سەكتورىنا ينۆەستيتسيالار كولەمى بۇرىنعى قارقىندا ساقتالىپ وتىر. ءبىراق تا ونىڭ ۇلەسى 14 پايىزدان 18 پايىزعا دەيىن ۇلعايعانىن دا كورىپ وتىرمىز»، - دەپ ناقتىلادى ە. حايروۆ.
