08:08, 05 - اقپان 2016 | GMT +5
ساحارا شولىندە الەمدەگى ءىرى كۇن ستانساسى اشىلدى
استانا. قازاقپارات - ماروككو كورولى موحاممەد VI كۇن ستانساسىن اشتى، ول 2020-جىلى پايدالانۋعا تولىق بەرىلگەن كەزدە الەمدەگى ءىرى ەنەرگيا كوزى بولماق.
ستانسا كاسابلانكادان وڭتۇستىك-شىعىسقا قاراي ۋارزازات قالاسىنا تاياۋ جەردە ساحارا شولىندە سالىندى.
كۇن ەنەرگياسىن تارتىپ، سۋدى تۋربينا ءۇشىن بۋ وندىرۋگە ىسىتاتىن جارتى ميلليون پارابولالىق اينانى اينالىپ شىعۋ ءۇشىن ەكى ساعاتقا جۋىق ۋاقىت قاجەت.
ەكولوگتار تۋربيناعا قاجەتتى سۋ جيناۋ ماڭايداعى تابيعي سۋاتتاردىڭ سارقىلۋىنا اكەپ سوعادى دەپ قاۋىپتەنۋدە.
ماروككو 2030-جىلعا قاراي ەلەكترگە ءوزىنىڭ قاجەتتىگىنىڭ 52 پايىزىن بالامالى ەنەرگيا كوزدەرىنەن الۋدى جوسپارلاپ وتىر، ءسويتىپ، مۇناي مەن باسقا دا ەنەرگيا كوزدەرىن يمپورتتاۋدى قىسقارتا تۇسپەك، دەپ حابارلادى BBC.
