07:56, 05 - اقپان 2016 | GMT +5
بوسقىندار كوشى ەۋروپانى تىعىرىققا تىرەۋدە
استانا. قازاقپارات - افريكا مەن تاياۋ شىعىستان شىققان بوسقىندار ەۋروپانى تىعىرىققا تىرەۋدە، دەپ حابارلادى www.24.kz.
بۇل تۋرالى ەۋروپالىق كوميسسيانىڭ ءتوراعاسى جان-كلود يۋنكەر ستراسبۋرگتە وتكەن پارلامەنت سەسسياسىندا مالىمدەدى.
ونىڭ ايتۋىنشا، مۇنداي كەلىمسەكتەر كوشى ەكىنشى دۇنيەجۇزىلىك سوعىس كەزىنەن بولماعان. بۇگىنگە دەيىن كامەلەتكە تولماعان 10 مىڭعا جۋىق بوسقىن جوعالىپ كەتتى. ولارعا بولىنەتىن گۋمانيتارلىق كومەك تە قازىرگى ۋاقىتتا ماردىمسىز. جيىنعا قاتىسۋشىلار ميگرانتتاردى قاداعالاۋ شارالارىن كۇشەيتۋ قاجەت ەكەنىنە باسا نازار اۋداردى.
«بوسقىندار كوشى تولاستار ەمەس. ماسەلەنى بىرلەسە شەشپەسەك، ودان سايىن ۋشىعا ءتۇسۋى مۇمكىن. كەلىمسەكتەرگە كومەك كورسەتۋ مىندەتىن العان ەلدەردى وزدەرىنە جۇكتەلگەن جۇمىستى جاۋاپكەرشىلىكپەن اتقارۋعا شاقىرامىن»، - دەدى ەۋروپالىق كوميسسيانىڭ ءتوراعاسى جان-كلود يۋنكەر.
