ەلوردا مەكتەپتەرىندە تۇماۋدىڭ الدىن الۋ شارالارى جۇرگىزىلۋدە

استانا. قازاقپارات - استانادا جوسپارعا سايكەس، ءبىلىم بەرۋ ۇيىمدارىندا تۇماۋ مەن ءجىتى رەسپيراتورلىق ۆيرۋستى ينفەكتسيانىڭ الدىن الۋ شارالارى قولعا الىندى.

بۇل تۋرالى قالانىڭ اكىمدىگىنىڭ رەسمي سايتىندا حابارلاندى.

«ەلوردالىق ءبىلىم بەرۋ ۇيىمدارىندا تۇماۋدىڭ الدىن الۋ جانە ونىڭ تارالۋىن بولدىرماۋ ماقساتىندا سانيتارلىق پوستتار ۇيىمداستىرىلىپ، ج ر ۆ ي مەن تۇماۋدىڭ الدىن الۋ بويىنشا اقپاراتتىق بۇرىشتار جاسالدى، ناۋقاستانعان بالالاردى تىركەۋ جۋرنالى جۇرگىزىلىپ، كۇن سايىنعى اقپارات تۇتىنۋشىلاردىڭ قۇقىقتارىن قورعاۋ دەپارتامەنتىنە جىبەرىلەدى»، دەلىنگەن حابارلامادا.

قاڭتار ايىنىڭ سوڭىنداعى جاعداي بويىنشا، 2 156 تۇرعىن تۇماۋ مەن جرۆي- گە شالدىققان، سونىڭ ىشىندە 1132 ى وقۋشى، 1012 ى مەكتەپ جاسىنا دەيىنگى بالالار جانە 12 سى ستۋدەنت.

مەكتەپتەردە اتا- انالار جينالىستارى وتكىزىلىپ، ماماندار جۇقپالى اۋرۋلاردىڭ تارالۋىنىڭ الدىن الۋدى ءتۇسىندىردى. جالپى ءبىلىم بەرەتىن مەكتەپتەردە 2-9 -سىنىپ وقۋشىلارى اراسىندا ۆالەولوگيا ساباعىندا جازباشا جۇمىستار جۇرگىزىلىپ، ج ر ۆ ي مەن تۇماۋدىڭ الدىن الۋ بويىنشا بەينەروليكتەر كورسەتىلدى.

ايتا كەتەيىك، استانادا جرۆي مەن تۇماۋ بويىنشا ەپيدەميولوگيالىق جاعداي تۇراقتى، مەكتەپتەردە كارانتين جوق. «تۇماۋ» دياگنوزى زەرتحانالىق قورىتىندىدان كەيىن عانا قويىلادى.

ەسكە سالايىق، استانادا 180 مەملەكەتتىك ءبىلىم بەرۋ مەكەمەسى بار، سونىڭ ىشىندە 83 جالپى ءبىلىم بەرەتىن مەكتەپ (113376 وقۋشى)، 85 بالاباقشا (34454 بالا)، 12 كوللەدج (11785 ستۋدەنت).