ەلباسىنىڭ ات ۇستىندەگى جانە سپورتپەن شۇعىلدانعان فوتوسۋرەتتەر توپتاماسى جاريالاندى - فوتو
بۇل تۋرالى فەيسبۋك الەۋمەتتىك جەلىسىندەگى اقوردانىڭ رەسمي پاراقشاسىندا حابارلاندى.
«ات - ەردىڭ قاناتى» دەيدى قازاق. جۇيرىك ءمىنۋ - ۇلتتىق ءۇردىسىمىز. باتىردىڭ ءبىر كۇشى - تۇلپارىندا. پاتشانىڭ داڭقىن ءدۇلدۇل اسىرادى.
مەملەكەت باسشىسى ءبىر سۇحباتىندا: «امەريكاعا بارعاندا دجەيمس بەيكەرمەن بىرگە اتپەن جۇردىك. ول مەنىڭ اتپەن جۇرەتىنىمە تاڭعالدى. مەن «دالانىڭ قىپشاعى ەمەسپىز بە؟ اتپەن جۇرەتىن جالعىز سىزدەر دەپ ويلايسىز با؟» دەدىم»، - دەيدى.
بالا كەزدەن اتقا ءمىنىپ ۇيرەنگەن نۇرسۇلتان ءابىش ۇلىنىڭ مۇمكىندىك تۋىپ، قول بوساعاندا جەلمەن جارىسا شابۋدى جانى سۇيەتىن اتقۇمار، ناعىز قازاق ەكەنى جۇرتقا ءمالىم.
بۇگىن «فەيسبۋك» كورەرمەندەرى نازارىنا ەلباسىنىڭ ات ۇستىندە جەلىپ كەلە جاتقان ءساتى جانە سپورتپەن شۇعىلدانعان شابىتتى كەزدەرى بەينەلەنگەن فوتوسۋرەتتەر توپتاماسىن ۇسىنىپ وتىرمىز»، دەلىنگەن الەۋمەتتىك جەلىدەگى جازبادا.
