قازاقستاندا جۇمىسسىزداردى ەۋروپا ەلىندە قولدانىلاتىن جۇمىسپەن قامتۋ قولعا الىندى

استانا. قازاقپارات - جۇمىسسىزدار ءۇشىن ەكونوميكالىق ىنتىماقتاستىق جانە دامۋ ۇيىمى مەن ەۋروپانىڭ دامىعان ەلدەرىندە قولدانىلاتىن جۇمىسقا ورنالاستىرۋدىڭ جەكە كارتاسى ازىرلەنەتىن بولادى.

بۇل تۋرالى بۇگىن سەناتتا «جۇمىسپەن قامتۋ تۋرالى» جاڭا زاڭ جوباسىنىڭ تانىستىرىلىمى بارىسىندا دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا ءمالىم ەتتى.

«زاڭ جوباسى ارقىلى جۇمىسسىزدىق ستاتۋسىن بەرۋدىڭ ۇدەرىسى ارقىلى جۇمىسسىزداردى فورمالدى تىركەۋدى جويۋ كوزدەلەدى. بۇل رەتتە جۇمىسسىزدىق تۋرالى ستاتۋس تەك ول ادامعا لايىقتى جۇمىستار تابىلماعان جاعدايعا عانا بەرىلەتىن بولادى»، - دەدى مينيستر تامارا دۇيسەنوۆا.

ونىڭ ايتۋىنشا، حالىقتى جۇمىسپەن قامتۋ ورتالىعى جۇمىسسىزدار ءۇشىن ءارتۇرلى كاسىپتەر بويىنشا جۇمىس بەرۋشىلەر ۇسىناتىن مالىمەتتەر بازاسىنان بوس جۇمىس ورنىن تابۋمەن اينالىسادى. تابىلعان جۇمىس ورىندارىنا جۇمىسسىز ادام جولدانادى. «زاڭ جوباسىنا سايكەس، ەگەر جۇمىس ىزدەۋشىگە لايىقتى كەلەتىن جۇمىستار ءۇشىن وقىتۋ قاجەت بولسا، وندا جۇمىس ىزدەۋشىلەر ارنايى كۋرستارعا جولدانادى. سونىمەن قاتار، جۇمىس ىزدەۋشى تۇلعا ءاربىر ءۇش كۇن سايىن ءوزى حالىقتى جۇمىسپەن قامتۋ ورتالىعىنا بارىپ تۇرۋى ءتيىس. وسى ارقىلى ونىڭ بەلسەندى جۇمىس ىزدەپ جۇرگەنى ناقتىلانادى جانە ول ناقتىلانباسا وندا ون كۇن ىشىندە تۇلعا جۇمىسسىز ستاتۋسىن الا المايدى»، - دەدى تامارا دۇيسەنوۆا.