قازاقستاندىق بلوگەر سولتۇستىك كورەياعا جاساعان ساياحاتىنداعى اسەرىمەن ءبولىستى - فوتو

استانا. قازاقپارات - سولتۇستىك كورەيا استاناسى پحەنيانعا بارعان قازاقستاندىق بلوگەر ءۋاليحان قاراسايەۆ، زەڭگىر كوكپەن تالاسقان كوپ قاباتتى عيماراتتاردى كورىپ تاڭ قالعان.

بۇل تۋرالى ەكسپرەسس ك باسىلىمى حابارلايدى.

وتانداسىمىز الدىمەن مەملەكەتتىڭ كوشباسشىلارى سانالاتىن كيم ير سەن مەن كيم چەن ءيردىڭ ەسكەرتكىشى ورناتىلعان مانسۋ-دە ورتالىعىنا بارادى. قولادان قۇيىلعان كوسەمدەردىڭ مۇسىندەرى 22 مەتر ەكەن.   

 

قالا ورتاسىنا جاڭا تۇرعىن ءۇي اۋدانى سالىنعان. بۇل جەردە دۇكەن، كافە، مەيرامحانالار بار. قالادا 3 ميلليون ادام ءومىر سۇرەتىنىنە قاراماستان، بلوگەر پحەنيانعا جاساعان ساياحاتى بارىسىندا مۇلدە كولىك تىعىنى بولمايتىن كوشەلەردى دە كورىپتى. كوپشىلىك ادام قوعامدىق كولىكتەردىڭ قىزمەتىن پايدالانادى. ال قالادا جەكسەنبى كۇنى ەشكىم كولىك ايداماي، ادامداردىڭ بارلىعى جاياۋ جۇرەدى.

 

قالادا كەڭ كوشەلەر مەن بيىك ۇيلەر كوپ. بلوگەر، بۇل شاھاردا قىلمىس اتاۋلىنىڭ كەزدەسپەيتىنىن دە اتاپ ءوتىپتى. بەيتاراپ ساياسات ۇستاناتىن، جابىق مەملەكەت سانالاتىن ەلگە بارۋ قىزىق بولعاندا كوڭىلگە قۋانىش سىيلادى، دەيدى ساياحاتشى. كوپشىلىك ويلايتىنداي، سولتۇستىك كورەيا حالقى كەدەيلىكتەن دە زارداپ شەگىپ وتىرعان جوق.

 

Stan.kz