قازاقستاندا كىمدەر ەڭ جوعارعى جالاقى الادى
2015 -جىلدىڭ زەرتتەۋ ناتيجەلەرى بويىنشا ەكونوميكالىق قىزمەت تۇرلەرىندە ەڭبەكاقى تولەۋى قىزمەتكەرلەردىڭ كاسىپتەر توپتارى اراسىندا جىكتەلۋى ساقتالادى. باسشىلار ساناتىنا جاتاتىن قىزمەتكەرلەردىڭ ورتاشا جالاقىسى بىلىكتىلىك دەڭگەيى جوعارعى مامانداردىڭ جالاقىسىنان 2,0 ەسە، بىلىكتىلىك دەڭگەيى ورتا مامانداردىڭ جالاقىسىنان 2,5 ەسە جانە بىلىكتىلىگى جوق جۇمىسشىلار جالاقىسىنان 4,3 ەسەگە كوپ.
ەڭ جوعارعى جالاقى شيكى مۇنايدى جانە تابيعي گازدى ءوندىرۋ سالاسىندا جۇمىسپەن قامتىلعان ۇيىمداردىڭ باسشىلارىندا - 1 ميلليون 456 مىڭ تەڭگە تىركەلدى، بۇل كومىر جانە ليگنيت ءوندىرۋ سالاسىنداعى باسشىلاردىڭ ورتاشا الاتىن جالاقىسىنان 2,8 ەسە جانە قۇرىلىس سالاسىنداعى - 2,9 ەسە جوعارى. شيكى مۇنايدى جانە تابيعي گازدى ءوندىرۋ سالاسىنداعى بىلىكتىلىگى جوعارى جانە ورتا ماماندارىندا جوعارى جالاقى - 496 مىڭ. تەڭگە، جانە 440 مىڭ تەڭگە العانىن اتاپ وتكەن ءجون.
شيكى مۇنايدى جانە تابيعي گازدى ءوندىرۋ كاسىپورىندارىندا جوعارى اقى تولەنەتىن تەحنيكالىق قاداعالاۋ جونىندەگى ينجەنەردە، كوتەرگىش ماشينيستە جانە بۇرعىلاۋ جونىندەگى ينجەنەردە (بۇرعىلاۋ جۇمىستارى) بولدى (660 - 809 مىڭ تەڭگە). 269 مىڭ تەڭگە جالاقىنى مۇناي وندەۋ ونىمدەرىن ءوندىرۋ سالاسىنداعى قىزمەتكەرلەر، ال 231 مىڭ تەڭگە جالاقىنى اۋە كولىگى سالاسىنداعى قىزمەتكەرلەر الدى.
قۇرىلىس سالاسىندا جوعارى دەڭگەيلى بىلىكتى ماماندار اراسىنان ەڭ جوعارى جالاقى قۇرىلىستاعى مەنەدجەرلەردە (352 مىڭ تەڭگە) ، بىلىكتىلىك دەڭگەيى بار مامانداردان - ارماتۋرشى (157 مىڭ تەڭگە) جانە كران ءماشينيستى (كرانشى) (256 مىڭ تەڭگە) الدى.
اۋىل شارۋاشىلىعى سالاسىندا بىلىكتىلىگى بار ماماندار اراسىنان ەڭ جوعارى جالاقىنى شارۋاشىلىق ءوندىرىسىنىڭ تراكتورشى- ماشينيستەرى (125 مىڭ تەڭگە)، اگرونومدارى (109 مىڭ تەڭگە)، ال تومەنگى جالاقىنى - قىرىقتىقشىلار مەن قىزمەت پەن ءوندىرىس ورىندارىن جانە اۋماقتارىن تازالاۋشىلار 25 - 30 مىڭ تەڭگە شاماسىندا الدى.
بارلىق نەگىزگى كاسىپتەر جانە قىزمەتتەر توپتارى بويىنشا ايەلدەردىڭ جالاقىسى ەركەكتەردىڭ جالاقىسىنا قاراعاندا تومەن بولدى. ۇيىمداردىڭ باسشىلارى لاۋازىمىندا جۇمىس ىستەيتىن ەركەكتەردىڭ جالاقىسى 438 مىڭ. تەڭگە، اۋدارماشى - 228 مىڭ. تەڭگە، ەكونوميست - 193 مىڭ. تەنگە، ەسەپشى - 155 مىڭ. تەڭگە بولدى. بۇل 1,2 - 2,0 ەسە ايەلدەردىڭ ورتاشا جالاقىسىنان جوعارى.
2015 -جىلعى قىركۇيەكتە استانا ق. جانە الماتى ق. ۇيىم باسشىلارىندا ەڭ جوعارى جالاقىلار قالىپتاسىپ، 598 مىڭ تەڭگە جانە 783 مىڭ تەڭگەنى قۇرادى. ەڭ از تولەنەتىن قىزمەت جامبىل، قوستاناي جانە وڭتۇستىك قازاقستان وبلىستارىندا بولدى، مۇندا باسشىلار 183 مىڭ تەڭگەدەن 208 مىڭ تەڭگەگە دەيىن الدى. رەسپۋبليكانىڭ وڭىرلەرى بويىنشا ۇيىم باسشىلارى جالاقىسىنىڭ ەڭ جوعارعىسى مەن ونىڭ ەڭ تومەنگى ءمانىنىڭ اراسىنداعى ايىرماشىلىق 4,2 ەسەنى قۇرادى.
ەكونوميستىڭ جوعارى جالاقىسى اتىراۋ جانە استانا ق. بايقالدى، تيىسىنشە 203 مىڭ تەڭگە جانە 256 مىڭ. تەڭگە، ال تومەنگى - جامبىل جانە قوستاناي وبلىستارىندا 87 -89 مىڭ تەڭگە. دارىگەردىڭ جالاقىسىنداعى كولەم دەڭگەيى 1,4 ەسەگە ايىرماشىلىق بولدى (استانا ق. - 158 مىڭ تەڭگە، ال وڭتۇستىك قازاقستان وبلىسىندا - 113 مىڭ تەڭگە).
ەل بويىنشا جوعارى وقۋ ورنىنداعى ءمۇعالىمنىڭ جالاقىسى ورتاشا 105 مىڭ تەڭگە بولدى، ال ونىڭ وڭىرلەر اراسىنداعى ايىرماشىلىعى 1,7 ەسەنى، ارناۋلى ءبىلىم بەرۋ جۇيەسىندە وقىتۋشىلاردا تيىسىنشە 87 مىڭ تەڭگە جانە 1,5 ەسە، تاربيەلەۋشىدە - 61 مىڭ تەڭگە جانە 1,6 ەسەنى قۇرادى.
Stan.kz
